PROFILBARU.COM

Валерый Каршакевіч
Валерый Каршакевіч
Агульная інфармацыя
Поўнае імя	Валерый Юр’евіч Каршакевіч
Нарадзіўся	15 лютага 1988 (36 гадоў); Мар’іна Горка, Пухавіцкі раён, Мінская вобласць, БССР, СССР;
Грамадзянства	Беларусь
Рост	192 см
Вага	86 кг
Пазіцыя	абаронца
Інфармацыя пра клуб
Клуб	Елімай
Пасада	трэнер
Маладзёжныя клубы
	Дынама (Мінск)
Клубная кар’ера
Нацыянальная зборная
Трэнерская кар’ера
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 11 красавіка 2024. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на канец 2012 ;

Валерый Каршакевіч (нар. 15 лютага 1988, Краснадар) — беларускі футбаліст (абаронца) і трэнер. У цяперашні час працуе трэнерам у казахстанскім клубе «Елімай» з Семея.

Клубная кар’ера

Нарадзіўся ў Краснадары на радзіме маціа ва ўзросце 4-5 гадоў рамаз з бацькамі пераехаў у Мар’іну Горку, дзе і пачаў займацца футболам^[3]. Некаторы час займаўся ў школе мінскага «Дынама», дарослую кар’еру пачынаў ў «Маладзечне», потым гуляў за дубль салігорскага «Шахцёра» і наваполацкага «Нафтана». З 2009 года быў іграком жодзінскага «Тарпеда», з 2010 года трывала трапляў у асноўны склад.

У жніўні 2013 года пакінуў Жодзіна і стаў іграком брэсцкага «Дынама»^[4]. У Брэсце адразу замацаваўся ў аснове, гуляў на пазіцыі цэнтральнага абаронцы, дзе замяняў траўміраванага капітана каманды Яўгена Клапоцкага.

У студзені 2014 года падпісаў кантракт з бабруйскай «Белшынай»^[5]. У складзе «Белшыны» замацаваўся на пазіцыі цэнтральнага абаронцы, дзе чаргаваўся з Міхаілам Гарбачовым і Арцёмам Бобухам.

У студзені 2015 года пакінуў «Белшыну» па заканчэнні кантракта^[6]. Неўзабаве далучыўся да стану мікашэвіцкага «Граніта» і ў лютым падпісаў кантракт з клубам^[7]. Спачатку быў асноўным цэнтральным абаронцам мікашэвічцаў, але з лета стаў пераважна выхадзіць на замену.

У студзені 2016 года пасля прагляду зноў стаў іграком «Тарпеда-БелАЗ»^[8]. У сезоне 2016 быў адным з асноўных цэнтральных абаронцаў жодзінцаў. У студзені 2017 года пакінуў «Тарпеда-БелАЗ»^[9] і далучыўся да «Слуцка». Пазней часова пакінуў стан случан, каб прайсці прагляд у «Іртышы»^[10], аднак у выніку вярнуўся і ў лютым падпісаў кантракт са «Слуцкам»^[11]. Замацаваўся ў якасці асноўнага цэнтральнага абаронцы случан, у сезоне 2017 без замен адгуляў ва ўсіх 30 матчах каманды ў чэмпіянаце Беларусі.

У студзені 2018 года па пагадненні бакоў разарваў кантракт са «Слуцкам»^[12], і неўзабаве стаў іграком «Гомеля»^[13]. У складзе «Гомеля» замацаваўся ў якасці асноўнага цэнтральнага абаронцы. У жніўні 2018 года пакінуў гомельскую каманду і неўзабаве папоўніў склад «Смалявічаў»^[14], дзе таксама стаў іграком асновы.

У лютым 2019 года пасля прагляду стаў іграком мінскага «Промня»^[15]. Неўзабаве «Прамень» пераехаў у Магілёў і аб’яднаўся з мясцовым «Дняпром», і абаронца стаў іграком аб’яднанай каманды, якая атрымала назву «Дняпро». Спачатку заставаўся на лаўцы запасных, пазней стаў з’яўляцца ў стартавым складзе магіляўчан.

У жніўні 2019 года пасля прагляду перайшоў у расійскі клуб «Мардовія»^[16], аднак да зімы не мог згуляць за яго з-за забароны на рэгістрацыю новых ігракоў. У студзені 2020 года, так і не згуляўшы за «Мардовію», падпісаў кантракт з казахстанскім «Таразам»^[17]. У сезоне 2020 быў трывалым іграком стартавага складу, аднак у лютым 2021 года новы трэнер «Тараза» Вардан Мінасян перастаў разлічваць на беларускага абаронцу. У выніку той неўзабаве далучыўся да «Кызыл-Жара» і ў сакавіку афіцыйна перайшоў у гэты клуб^[18]. Замацаваўся ў аснове петрапаўлаўскага клуба. У студзені 2022 года падоўжыў кантракт з «Кызыл-Жарам»^[19]. Пакінуў петрапаўлаўскую каманду ў студзені 2023 года^[20].

У лютым 2023 года стаў іграком адроджанага семейскага «Елімая»^[21]. Дапамог клубу выйсці ў Прэм’ер-лігу, аднак сам па заканчэнні сезона 2023 пакінуў каманду^[22] і ў пачатку 2024 года стаў памочнікам галоўнага трэнера «Елімая»^[23].

Міжнародная кар’ера

У 2008 годзе згуляў адзін матч за моладзевую зборную Беларусі.

Дасягненні

Уладальнік Кубка Беларусі: 2016
Пераможца Першай лігі Казахстана: 2023

Статыстыка выступленняў

Сезон	Дывізіён	Клуб	Матчы	Галы
2005 (1)	Д3	Маладзечна	10	0
2005 (2)	дубль	Шахцёр	8	0
2006	дубль	Шахцёр	24	0
2007	дубль	Шахцёр	26	0
2008	дубль	Нафтан	21	1
2009	Д1	Тарпеда	1	0
2010	Д1	Тарпеда	22	1
2011	Д1	Тарпеда-БелАЗ	30	0
2012	Д1	Тарпеда-БелАЗ	17	1
2013 (1)	Д1	Тарпеда-БелАЗ	8	1
2013 (2)	Д1	Дынама-Брэст	13	0
2014	Д1	Белшына	27	2
2015	Д1	Граніт	21	1
2016	Д1	Тарпеда-БелАЗ	20	1
2017	Д1	Слуцк	30	0
2018 (1)	Д1	Гомель	16	0
2018 (2)	Д1	Смалявічы	12	3
2019 (1)	Д1	Дняпро	8	0
2019/20 (1)	Д2	Мардовія	0	0
2020	Д1	Тараз	20	1
2021	Д1	Кызыл-Жар	25	3
2022	Д1	Кызыл-Жар	23	2
2023	Д2	Елімай	26	1

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[24].