PROFILBARU.COM

Валерый Жукоўскі
Валерый Жукоўскі
Агульная інфармацыя
Поўнае імя	Валерый Францавіч Жукоўскі
Нарадзіўся	21 мая 1984 (40 гадоў); Ліда, Лідскі раён, Гродзенская вобласць, БССР, СССР;
Грамадзянства	Беларусь
Рост	176 см
Вага	70 кг
Пазіцыя	паўабаронца
Клубная кар’ера
Узнагароды і медалі
Дзяржаўныя і ведамасныя ўзнагароды
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 4 снежня 2023. ;
	Медыяфайлы на Вікісховішчы

Валерый Жукоўскі (нар. 21 мая 1984, Ліда) — беларускі футбаліст, паўабаронца.

Клубная кар’ера

Выхаванец лідскага футбола, гуляў у бабруйскай «Белшыне» і салігорскім «Шахцёры». У ліпені 2009 года падпісаў кантракт з наваполацкім «Нафтанам», дзе быў адным з асноўных ігракоў.

У снежні 2012 года перайшоў у «Гомель»^[3]. Разглядаўся як адзін з асноўных ігракоў, але ў маі 2013 года атрымаў траўму і вярнуўся толькі ў канцы сезона.

У студзені 2014 года вярнуўся ў «Нафтан». Пасля вяртання стаў лідарам наваполацкай каманды, трывала гуляў на пазіцыі атакуючага паўабаронцы ў стартавым складзе. 2 жніўня 2014 года аформіў хет-трык у матчы з брэсцкім «Дынама». У сезоне 2015 застаўся іграком асновы «Нафтана», з 13 галявымі перадачамі стаў найлепшым асістэнтам чэмпіянату 2015.

14 снежня 2015 года падпісаў кантракт з мінскім «Дынама»^[4]. У першай палове сезона 2016 трывала гуляў у аснове дынамаўцаў на пазіцыі атакуючага паўабаронцы, у чэрвені, пасля зыходу з каманды Аляксандра Гутара, нават стаў капітанам «Дынама». Пасля прыходу ў ліпені на пасаду галоўнага трэнера Сяргея Бароўскага, аднак, страціў месца ў аснове і на полі з’яўляўся нячаста. У снежні 2016 года па заканчэнні кантракта пакінуў сталічны клуб^[5].

У студзені 2017 года далучыўся да гродзенскага «Нёмана» і неўзабаве падпісаў кантракт^[6]. У складзе гродзенскай каманды стаў асноўным атакуючым паўабаронцам. У лістападзе 2017 года падоўжыў кантракт з «Нёманам» на наступны сезон^[7]. У сезоне 2018 заставаўся іграком стартавага складу, стаў капітанам каманды. У снежні 2018 года падпісаў новы кантракт з гродзенцамі^[8].

У пачатку сезона 2019 звычайна выхадзіў на замену, з чэрвеня па верасень гуляў у стартавым складзе, пазней зноў стаў часцей з’яўляцца на полі на замену. У студзені 2020 года падоўжыў кантракт з «Нёманам» на год^[9]. У пачатку сезона 2020 заставаўся на лаўцы запасных або выхадзіў на замену, але хутка вярнуў месца ў стартавым складзе. У снежні 2020 года падоўжыў пагадненне з гродзенцамі яшчэ на сезон^[10], у студзені 2022 года — яшчэ на год^[11].

У пачатку 2023 года з-за забароны Міністэрства спорту і турызму новы кантракт «Нёманам» не быў падпісаны, з-за чаго паўабаронца не трапіў у заяўку клуба на сезон і не ўдзельнічаў у афіцыйных матчах каманды ў 2023 годзе, хоць працягваў трэніравацца з гродзенцамі. У ліпені 2023 года пакінуў гродзенскі клуб і далучыўся да віцебскага «Макслайна»^[12]. У снежні 2023 года па заканчэнні кантракта пакінуў «Макслайн»^[13].

У маі 2024 года стаў намеснікам старшыні «Нёмана» па спартыўных пытаннях^[14].

Дасягненні

03 Бронзавы прызёр чэмпіянату Беларусі (2): 2007, 2016
Уладальнік Кубка Беларусі: 2012
У спісе 22 найлепшых футбалістаў чэмпіянату Беларусі: 2015

Статыстыка выступленняў

Сезон	Дывізіён	Клуб	Матчы	Галы
2001	Д2	Ліда	2	0
2002	Д2	Ліда	14	1
2003	Д2	Ліда	1	0
2004	Д2	Ліда	17	5
2005	Д2	Ліда	29	5
2006	Д1	Белшына	26	4
2007 (1)	Д2	Белшына	12	6
2007 (2)	Д1	Шахцёр	11	2
2008	Д1	Шахцёр	30	5
2009 (1)	Д1	Шахцёр	12	0
2009 (2)	Д1	Нафтан	12	0
2010	Д1	Нафтан	32	5
2011	Д1	Нафтан	28	3
2012	Д1	Нафтан	27	3
2013	Д1	Гомель	16	2
2014	Д1	Нафтан	32	6
2015	Д1	Нафтан	25	5
2016	Д1	Дынама	19	2
2017	Д1	Нёман	30	6
2018	Д1	Нёман	25	7
2019	Д1	Нёман	25	4
2020	Д1	Нёман	23	6
2021	Д1	Нёман	24	1
2022	Д1	Нёман	23	3
2023 (2)	Д2	Макслайн	14	3

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[15].