Ваенна-марскія сілы Аўстра-Венгрыі

Ваенна-марскія сілы Аўстра-Венгрыі ням.: Kaiserliche und Königliche Kriegsmarine
Гады існавання	1867—1918
Краіна	Аўстра-Венгрыя
Уваходзіць у	Узброеныя сілы Аўстра-Венгрыі
Тып	Ваенна-марскія сілы
Удзел у	Першая сусветная вайна
Камандзіры
Вядомыя камандзіры	Міклаш Хорці

Аўстра-венгерская ваенна-марская верф у Пуле, паміж 1890 і 1900 гадамі.

Ваенна-марскія сілы Аўстра-Венгрыі з'яўляліся адным з відаў узброеных сіл Аўстра-Венгерскай імперыі.

Афіцыйнай назвай на нямецкай мове было Kaiserliche und Königliche Kriegsmarine (ням.: Імператарскія і Каралеўскія Ваенна-марскія сілы) або скарочана - K.u.K. Kriegsmarine.

У літаратуры сустракаецца назва — Марскія сілы Аўстра-Венгрыі.

Гісторыя

Да стварэння ў 1867 годзе двуадзінай манархіі існавалі як Ваенна-марскія сілы Аўстрыйскай Імперыі і гэтак прымалі ўдзел у Аўстра-Прускай вайне 1866 года.

Марскія сілы Узброеных сіл Аўстра-Венгрыі, адной з галоўных еўрапейскіх дзяржаў, на 1891 год, складаліся з ^[1]:

• 11 панцырных судоў;
• 16 мінаносцаў;
• 53 тарпедныя лодкі.

Усяго з іншымі 98 судоў, умяшчальнасцю 100 150 тон, з 605 гарматамі і экіпажам ў 6 672 чалавекі.

• Дапаможных судоў 142, умяшчальнасцю 50 034 тоны, з 199 гарматамі і 5 225 чалавек.

Перад Першай сусветнай вайной аўстра-венгерскі флот складаўся з двух эскадраў. Таксама Аўстра-Венгрыя мела рачную Дунайскую флатылію. Флатылія складалася з манітораў, вартавых караблёў і дапаможных судоў, зведзеных у дывізіёны і групы. База яе да вайны знаходзілася ў горадзе Будапешт.

Дунайская флатылія Аўстра-Венгрыі прымала дзейсны ўдзел у Першай сусветнай вайне. Таксама лічыцца, што адзін з яе караблёў зрабіў першыя стрэлы ў гэтай вайне.

Ваенна-марскія сілы Аўстра-Венгрыі спынілі сваё існаванне ў 1918 годзе, пасля паражэння Аўстра-Венгрыі ў Першай сусветнай вайне і далейшага за тым распаду дзяржавы, і страты Аўстрыяй і Венгрыяй выхаду да мора.

Базы ВМС Аўстра-Венгрыі

• ВМБ Спліт
• ВМБ Пула

Сцягі караблёў і судоў ВМС Аўстра-Венгрыі

• 
  Сцяг караблёў і судоў ВМС Аўстрыі 1786—1915.

Галерэя

• 
  Лінкар SMS Habsburg на марскіх выпрабаваннях, 1901 год.
• 
  Крэйсер SMS Kaiserin Elisabeth
• 
  План лінкара тыпу «Радзецкі», 1907 — 1909 гадоў.

Званні

• Грос-адмірал (Großadmiral)
• Адмірал (Admiral)
• Віцэ-адмірал (Vizeadmiral)
• Контр-адмірал (Konteradmiral)
• Капітан лінкара(Linienschiffskapitän)
• Капітан фрэгата (Fregattenkapitän)
• Капітан карвета (Korvettenkapitän)
• Лейтэнант лінкара (Linienschiffsleutnant)
• Лейтэнант фрэгата (Fregattenleutnant)
• Мічман фрэгата (Fregattenfähnrich)
• Лейтэнант карвета (Korvettenleutnant)
• Мічман мора (Seefähnrich)
• Гардэмарын (Seekadett)
• Марскі аспірант (Seeaspirant)
• Старшы боцман 1-й стацці (Oberbootsmann 1. Klasse)
• Старшы боцман 2-й стацці (Oberbootsmann 2. Klasse)
• Боцман (Unterbootsmann)
• Боцманмат (Bootsmannsmaat)
• Кватэрмайстар (Quartiermeister)
• Матрос 1-й стацці (Matrose 1. Klasse)
• Матрос (Matrose)

Гл. таксама

• Спіс караблёў ваенна-марскога флоту Аўстра-Венгрыі

Зноскі

1. Пры напісанні артыкула выкарыстаны матэрыял з Энцыклапедычнага слоўніка Бракгаўза і Эфрона (1890—1907).

Спасылкі

• Пры напісанні артыкула выкарыстаны матэрыял з Энцыклапедычнага слоўніка Бракгаўза і Эфрона (1890—1907).
• K.u.K. Kriegsmarine Архівавана 25 кастрычніка 2012. (ням.)
• Viribus Unitis (англ.)
• Сцягі Аўстра-Венгрыі (англ.)