PROFILBARU.COM

32-я ўзмоцненая брыгада
32-я ўзмоцненая брыгада
Гады існавання	з пачатку 2000-х да 2011
Краіна	Лівія
Уваходзіць у	Узброеныя сілы Лівійскай Джамахірыі
Тып	механізаваныя войскі, войскі спецыяльнага прызначэння
Колькасць	10 000 чалавек
Дыслакацыя	Трыпалі;
Удзел у	Грамадзянская вайна ў Лівіі (2011): • Першая бітва за Бенгазі; • Першая бітва за Эз-Завію; • Бітва за Місурату; • Другая бітва за Эз-Завію; • Бітва за Трыпалі (2011); • Бітва за Сірт (2011); • Бітва за Бені-Валід;
Камандзіры
Вядомыя камандзіры	Хаміс Кадафі

Брыгада Хаміса (араб. كتيبة خميس‎‎), афіцыйная назва 32-я ўзмоцненая брыгада^[1] (араб. اللواء 32 المعزز‎‎) — брыгада спецыяльнага прызначэння Узброеных Сіл Лівійскай Джамахірыі. Узначальваў падраздзяленне генерал-маёр Хаміс Кадафі, сын лідара краіны Муамара Кадафі. У ходзе грамадзянскай вайны 2011 года брыгада зарэкамендавала сябе як адно з найбольш баяздольных фарміраванняў кадафістаў^[2].

Стварэнне

У пачатку XXI стагоддзя лівійская армія валодала значным ваенным патэнцыялам. У яе распараджэнні знаходзіліся некалькі сотняў танкаў, самалётаў і транспартных сродкаў. Аднак гэтая тэхніка, набытая ў 1970-х гадах у Савецкага Саюза, на той момант пачала састарвацца. Падтрымліваць абараназдольнасць дзяржавы аказалася цяжкім, паколькі закупцы новага ўзбраення перашкаджалі шматлікія эмбарга. Дадзенае становішча прывяло да таго, што армія Лівіі была не ў сілах ажыццяўляць належнае тэхнічнае абслугоўванне і рамонт абсталявання. Да ўсяго гэтага дадавалася праблема дэзертырства^[3].

У падобных умовах кіруючы рэжым Кадафі меў патрэбу ў лаяльных фарміраваннях, якіх можна было б добра абсталяваць. Былі сфарміраваны тры элітныя брыгады. Кожнае такое падраздзяленне мела колькасць у дзесяць тысяч добра навучаных і аснашчаных байцоў. Камандаваць дадзенымі фарміраваннямі сталі члены сям’і Кадафі. У прыватнасці, свая брыгада з’явілася ў Хаміса, аднаго з сыноў кіраўніка дзяржавы^[3].

Узбраенне

На ўзбраенні брыгады знаходзіліся сучасныя танкі расійскай вытворчасці і ракетныя сістэмы «Град». Колькасць падраздзялення ацэньваецца ў некалькі тысяч чалавек^[2].

Міжнародныя сувязі

У 2009 годзе бельгійскія прадпрыемствы паставілі 32-й брыгадзе стралковай зброі і боепрыпасаў на суму 11,5 млн еўра. Па словах урада Валоніі, дадзеныя пастаўкі прызначаліся для абароны гуманітарных канвояў, якія накіроўваліся ў Дарфур^[4].

У тым жа годзе Хаміс Кадафі прыязджаў у Беларусь пераймаць вопыт на вучэннях «Захад-2009»^[5]. У чэрвені 2010 года лівійскія вайскоўцы прынялі ўдзел у вучэннях з беларускай 11-й асобнай механізаванай брыгадай са Слоніма, якія праходзілі на Абуз-Лясноўскім палігоне пад Баранавічамі^[6].

Грамадзянская вайна

Баявыя дзеянні

З пачаткам грамадзянскай вайны ў Лівіі 32-я брыгада засталася вернай дзейнаму ўраду.

У сярэдзіне лютага 2011 года яе байцы займаліся барацьбой з паўстанцамі ў раёне гарадоў Бенгазі і Аль-Байда^[7]^[8]. Крыху пазней, 24 лютага, бранятанкавыя часці сіл Хаміса рушылі ў бок Місураты, трэцяга па велічыні горада Лівіі і буйнога порта, дзе адбылося адно з найбуйнейшых узброеных выступленняў лівійскай апазіцыі^[9].

Тут 27 лютага адбыўся бой у раёне штаба брыгады і вучылішча ваенна-паветраных сіл, якое знаходзілася па блізкасці. Дадзеныя аб’екта былі абложаны баевікамі, узброенымі стралковай зброяй. Нягледзячы на наяўнасць больш цяжкага ўзбраення, у мясцовых часцей 32-й брыгады раптам скончылася ежа і вада, і іх камандзір вымушаны быў здацца^[10].

Адначасова асобныя атрады былі накіраваны ў Эз-Завію^[11]. У канцы сакавіка часці брыгады ўдзельнічалі ў баях за Адждабію.

18 красавіка штаб брыгады Хаміса пад Трыпалі быў разбомблены самалётамі НАТА^[12]. Паводле крыніц альянса, штаб нібыта выкарыстоўваўся для каардынацыі і кіраўніцтва нападаў кадафістаў на мірных жыхароў^[13]. 21 жніўня гэты ж аб’ект быў захоплены сіламі паўстанцаў. Таксама пад кантроль баевікоў перайшлі вялікія склады зброі^[14].

На апошнім этапе грамадзянскай вайны 32-я брыгада ўдзельнічала ў абароне гарадоў Тархуна^[15], Трыпалі і Сірт.

Замежныя байцы

У канцы лютага тэлеканал «Аль-Арабія», спасылаючыся на крыніцы ў Бенгазі, паведаміў, што Хаміс Кадафі вербаваў франкамоўных наймітаў з краін Чорнай Афрыка. Як мяркуецца, некаторыя з іх змагаліся ў Эз-Завіі^[11]. Многія з замежнікаў трапілі ў палон да апазіцыі. Арубская школа ў прыбярэжным горадзе Шахат стала турмой для амаль 200 падазраваных у найміцтве на рэжым Кадафі. Сярод іх былі грамадзяне такіх краін як Нігер і Чад^[16].

Абвінчаванні

32-я брыгада неаднаразова абвінавачвалася ў здзяйсненні ваенных злачынстваў. Так, напрыклад, падраздзяленне падазраюць у забойствах мірных жыхароў у Эз-Завіі ў канцы лютага 2011-га, якія ажыццёўлены замежнымі наймітамі са складу брыгады^[11]. У канцы жніўня паведамлялася, што байцы Хаміса забілі 17 зняволеных у імправізаванай турме ў Трыпалі^[17]. 23 жніўня там жа брыгада забіла каля 50 зняволеных, якія часова ўтрымліваліся на складзе. Затым вайскоўцы падпалілі будынак^[18].

Страты

9 верасня міністр аховы здароўя ПНС, які прадстаўляў урад апазіцыі, заявіў, што падчас вайны брыгада Хаміса страціла каля 9000 вайскоўцаў^[19].

Зноскі

↑ Libya protests: The tangled web keeping Gaddafi in power
↑ ^а ^б Кто поддерживает Муаммара Каддафи
↑ ^а ^б L'express, Libye: la brigade de Khamis Kadhafi, dernier rempart du colonel, 25 février 2011
↑ Amnesty International, 'Arms Transfers to the Middle East and North Africa: Lessons for an Effective Arms Trade Treaty,' ACT 2011, p.41
↑ [1]
↑ [2]
↑ Michael, Maggie (18 February 2011). "Libyan forces storm protest camp in Benghazi". News Observer. Associated Press.(недаступная спасылка)
↑ "Khamis Ghaddafi: The agent of fear". Afrol News. 23 February 2011.
↑ Black, Ian (24 February 2011). "Heavy fighting in former stronghold as Gaddafi's forces stage counterattacks". The Guardian.
↑ "Gadhafi tightens hold on capital; Obama calls for ouster". McClatchy. 26 February 2011.
↑ ^а ^б ^в Al Baik, Duraid (25 February 2011). "Gaddafi hiding in Azizyeh". Gulf News.
↑ Operational Media Update for 18 April (нявызн.). NATO (19 красавіка 2011). Праверана 20 April 2011.
↑ "Libya: NATO Jets Bomb Capital". Eurasia Review. 19 April 2011. Архівавана з арыгінала 30 July 2012. Праверана 20 April 2011. Архіўная копія (нявызн.)(недаступная спасылка). Архівавана з першакрыніцы 30 ліпеня 2012. Праверана 19 сакавіка 2022.Архіўная копія (нявызн.)(недаступная спасылка). Архівавана з першакрыніцы 30 ліпеня 2012. Праверана 19 сакавіка 2022.
↑ "Libyan Rebels Reportedly Capture Major Military Base Defending Tripoli". Fox News. 21 August 2011.
↑ TV confirms death of Kadhafi son Khamis in Libya (нявызн.). My Sinchew (17 кастрычніка 2011). Праверана 19 December 2012.
↑ "Libya's Alleged Foreign Mercenaries: More Gaddafi Victims?". Time. 24 February 2011. Архівавана з арыгінала 1 March 2011. Праверана 25 February 2011. Архіўная копія (нявызн.)(недаступная спасылка). Архівавана з першакрыніцы 7 лістапада 2012. Праверана 19 сакавіка 2022.Архіўная копія (нявызн.)(недаступная спасылка). Архівавана з першакрыніцы 7 лістапада 2012. Праверана 19 сакавіка 2022.
↑ Muhkerjee, Sangeeta (29 August 2011). "Khamis Brigade Turns Manslaughters, Kills 50 Detainees". International Business Times. Праверана 29 August 2011.
↑ Spencer, Richard (29 August 2011). "Libya: last act of bloody vengeance by Khamis Brigade". The Telegraph. Праверана 29 August 2011.
↑ Libyan estimate: At least 30,000 died in the war Архівавана 9 верасня 2011 года. (Праверана 10 чэрвеня 2012)