PROFILBARU.COM

ААТ «Беларуская калійная кампанія»
ААТ «Беларуская калійная кампанія»
Тып	ААТ
Заснаванне	2005
Размяшчэнне	Рэспубліка Беларусь, г. Мінск, пр. Машэрава, 35
Адрас	Беларусь;
Ключавыя постаці	генеральны дырэктар ; Аляксей Уладзіміравіч Скрага
Галіна	Хімічная прамысловасць
Прадукцыя	хлорысты калій
Сайт	belpc.by

ААТ «Беларуская калійная кампанія» — адзін з найбуйнейшых пастаўшчыкоў калійных мінеральных угнаенняў у свеце.

Размешчана ў горадзе Мінск.

Гісторыя

Беларуская калійная кампанія (БКК) заснавана ў красавіку 2005 года Рэспубліканскім унітарным прадпрыемствам «Вытворчае аб’яднанне „Беларуськалій“» (Рэспубліка Беларусь) і адкрытым акцыянерным таварыствам «Уралкалій» (Расійская Федэрацыя). Пры гэтым акцыянерам належала па 50 % акцый кампаніі.

У маі 2008 года склад акцыянераў змяніўся, і акцыі размяркоўваюцца наступным чынам: «Уралкалій» — 50 %^[1], «Беларуськалій» — 45 % і дзяржаўнае аб’яднанне «Беларуская чыгунка» — 5 %. Асноўная мэта сумеснай працы прадпрыемстваў — экспартныя пастаўкі калійных угнаенняў на сусветныя рынкі.

На наступным этапе акцыянерамі кампаніі выступілі ААТ «Беларуськалій» (48 %), «Беларуская чыгунка» (42 %) і РУП «Белэксімгарант» (10 %)^[2].

Гандлёвымі аперацыямі БКК кіруе галаўны офіс, які размешчаны ў Мінску, пры садзейнічанні шасці прадстаўніцтваў кампаніі за мяжой. Рэгіянальныя прадстаўніцтвы кампаніі дзейнічаюць у Дэлі, Пекіне, Сінгапуры, Сан-Паўлу, Чыкага і Панаме.

2 снежня 2021 года Міністэрства фінансаў ЗША ўключыла БКК і яе ўкраінскае прадстаўніцтва «Аграрозквіт» у амерыканскі санкцыйны спіс^[3]. У 2022 годзе БКК была ўнесена ў санкцыйныя спісы Канады^[4], ЕС^[5], Швейцарыі^[6].

У верасні 2024 года Суд Еўрапейскага саюза адмовіўся зняць санкцыі ЕС з Беларускай калійнай кампаніі^[7].

Прадукцыя

БКК экспартуе калійныя ўгнаенні ў Еўропу, ЗША, Цэнтральную і Паўднёвую Амерыку, Афрыку, Азіяцка-Ціхаакіянскі рэгіён, Індыю і Кітай. Доля БКК на сусветным рынку экспарту калійных угнаенняў складае 43 працэнты.

БКК прапануе наступныя прадукты:

стандартны хларыд калію (белы і ружовы),
грануляваны хларыд калію (белы і ружовы),
тэхнічныя (утрыманне K₂O не менш 62 %) і сельскагаспадарчыя разнавіднасці (утрыманне K₂O не менш за 60 %).^[8]