Аляксей Мікалаевіч Скобля

Аляксей Мікалаевіч Скобля
Дата нараджэння	14 сакавіка 1990(1990-03-14)
Месца нараджэння	Мінск, БССР, СССР
Дата смерці	13 сакавіка 2022(2022-03-13) (31 год)
Месца смерці	Машчун, Бучанскі раён, Кіеўская вобласць, Украіна
Месца пахавання	Кіеў
Альма-матар	Мінскі дзяржаўны аўтамеханічны каледж імя М. С. Высоцкага
Грамадзянства	Беларусь  Украіна
Званне	старшы сяржант
Узнагароды і званні
Медыяфайлы на Вікісховішчы

Аляксей Скобля, пазыўны Тур (14 сакавіка 1990, Мінск, Беларусь — 13 сакавіка 2022, паблізу Кіева, Украіна) — украінскі вайсковец, старшы сяржант. Герой Украіны (2022, пасмяротна)^[1].

Біяграфія

Маці — выхавальніца ў дзіцячым садку, бацька — кіроўца аўтобуса. Пасля 9 класа паступіў у Мінскі аўтамеханічны каледж. Скончыў яго, працаваў механікам, рамантаваў аўтамабілі. Пазней паступіў у Гродзенскі ўніверсітэт імя Янкі Купалы па спецыяльнасці «эксплуатацыя аўтамабіляў», але не скончыў.

У сакавіку 2015 года добраахвотнікам паехаў ваяваць на Данбас. Пасля сканчэння актыўных баявых дзеянняў на Данбасе застаўся ў арміі. Працаваў інструктарам па тактыцы і медыцыне. Атрымаў украінскае грамадзянства. Быў у складзе Тактычнай групы «Беларусь»^[2].

Па нападзе Расіі на Украіну стаў намеснікам камандзіра групы беларускага батальёна імя Кастуся Каліноўскага^[3]. Загінуў 13 сакавіка 2022 года ў баях пад Кіевам^[4].

Памяць

• 12 красавіка 2022 года пасмяротна ўзнагароджаны медалём «Герой Украіны»^[5].
• 28 чэрвеня 2022 года стала вядома, што вуліцу Аляксандра Пушкіна ў Хмяльніцкім пераймянуюць у гонар Аляксея Скоблі^[6].
• 24 лістапада 2022 года Скобля быў пасмяротна ўзнагароджаны ордэнам Пагоні Рады Беларускай Народнай Рэспублікі.^[7]
• У маі 2023 года каля вёскі Машчун у Бучанскім раёне Кіеўскай вобласці усталявалі памятны знак у гонар Аляксея Скоблі.^[8]

Гл. таксама

• Спіс беларусаў, якія загінулі за Украіну

Зноскі

1. УКАЗ ПРЕЗИДЕНТА УКРАЇНИ № 233/2022
2. Смяротна паранены беларус «Тур» загінуў пад Кіевам
3. Под Киевом героической смертью погиб белорусский доброволец
4. Смяротна паранены, застаўся прыкрываць сваіх. Хто такі беларус «Тур», забіты пад Кіевам
5. УКАЗ ПРЕЗИДЕНТА УКРАЇНИ №233/2022 (укр.). president.gov.ua (12 красавіка 2022).
6. У Хмяльніцкім вуліцу Пушкіна назавуць у гонар беларуса-каліноўца Аляксея Скоблі
7. Рада БНР абвяшчае пра абнаўленьне Статуту Ордэна Пагоні і заснаваньне Мэдаля Ордэну Пагоні
8. Под Киевом установили памятную табличку в честь погибшего «калиновца» Алексея Скобли