Адмоўны лік

Гэты тэрмометр паказвае адмоўную тэмпературу ў Фарэнгейтах (−4 °F).

Адмо́ўны лік^[1] — рэчаісны лік, меншы за нуль. На рэчаіснай восі адмоўным лікам адпавядаюць пункты злева ад нуля.

Адмоўнасць ліку пазначаецца знакам «-», які ставіцца перад яго лічбавым абазначэннем, напрыклад:

${\displaystyle -1}$ (чытаецца «мінус адзін»)

${\displaystyle -23}$ (чытаецца «мінус дваццаць тры») і г.д.

Адмоўныя лікі на лікавай восі

Адмоўным лікам з'яўляецца:

• сума адмоўных лікаў
• здабытак або дзель дадатнага і адмоўнага ліку.

Для кожнага адмоўнага ліку існуе адзіны процілеглы да яго дадатны лік, гэта значыць лік, які роўны яму па абсалютнай велічыні, але мае процілеглы знак.

Гл. таксама

• -1
• Дадатны лік

Зноскі

1. Адмоўны лік // Матэматычная энцыклапедыя / Гал. рэд. В.Бернік. — Мінск: Тэхналогія, 2001. — С. 17.