Італьянскі мост (руск.: Италья́нский мост) — пешаходны мост-цеплаправод цераз канал Грыбаедава ў Цэнтральным раёне Санкт-Пецярбурга, злучае Казанскі і Спаскі астравы. Аб’ект культурнай спадчыны Расіі рэгіянальнага значэння.
З’яўляецца працягам Італьянскай вуліцы побач з храмам Уваскрэсення Хрыстова (Спас на Крыві). Вышэй па цячэнні знаходзіцца Нова-Канюшанны мост, ніжэй — Казанскі мост. Найбліжэйшая станцыя метрапалітэна (300 м) — «Неўскі праспект», выхад на канал Грыбаедава.
Мост атрымаў сваю назву ў 1910-х гадах ад размешчанай побач Італьянскай вуліцы.
