Ігар Аляксандравіч Зюлеў

Ігар Зюлеў
Поўнае імя	Ігар Аляксандравіч Зюлеў
Нарадзіўся	5 студзеня 1984(1984-01-05)[1] (40 гадоў) Міханавічы, Міханавіцкі сельсавет, Мінскі раён, Мінская вобласць, БССР, СССР
Грамадзянства	Беларусь
Рост	171 см
Вага	69 кг
Пазіцыя	паўабаронца
Маладзёжныя клубы
Алімпія (Мінск)
Клубная кар’ера[* 1]
2002—2006 Камунальнік (Слонім) 127 (29) 2007 Смаргонь 13 (3) 2007—2009 Шахцёр (Салігорск) 33 (8) 2009—2016 Нафтан (Наваполацк) 197 (14) 2017—2018 Іслач (Мінскі раён) 44 (1)
Трэнерская кар’ера
2019 Іслач (Мінскі раён) трэнер
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Ігар Зюлеў (нар. 5 студзеня 1984, Міханавічы, Мінскі раён) — беларускі футбаліст, паўабаронца (часам гуляў у якасці абаронцы ці нападніка).

Клубная кар’ера

Выхаванец мінскай школы «Алімпія», пачаў прафесійную кар’еру ў 2002 годзе ў складзе слонімскага «Камунальніка», дзе выступаў на пазіцыі нападніка. Пазней гуляў за «Смаргонь» і «Шахцёр». У ліпені 2009 года перайшоў у наваполацкі «Нафтан».

У сезоне 2012 звычайна гуляў на пазіцыі флангавага абаронцы. Сезон 2013 з-за адсутнасці ў камандзе правага абаронцы пачынаў на гэтай пазіцыі, але пасля прыходу ў клуб Ігара Бурака стаў звычайна выкарыстоўвацца на флангу паўабароны.

У сезоне 2014, пасля зыходу з каманды Бурака, замацаваўся ў якасці асноўнага правага абаронцы каманды. У лютым 2015 года на год падоўжыў кантракт з «Нафтанам»^[2]. Сезон 2015 пачаў на пазіцыі правага абаронцы, а пасля прыходу ўлетку ў каманду Сяргей Карповіча перайшоў на месца правага паўабаронцы.

У студзені 2016 года, нягледзячы на фінансавыя праблемы «Нафтана»^[3], падоўжыў кантракт і на наступны сезон^[4]. У сезоне 2016 быў асноўным правым паўабаронцам навапалачан.

Са студзеня 2017 года трэніраваўся з «Іслаччу», з якой у лютым падпісаў кантракт^[5]. Замацаваўся ў стартавым складзе «Іслачы», выступаў на пазіцыі левага абаронцы або паўабаронцы. У канцы 2018 года стала вядома, што Зюлеў завяршае кар’еру футбаліста. Свой апошні матч згуляў 2 снежня 2018 года ў матчы апошняга тура супраць магілёўскага «Дняпра» (3:2), правёўшы на полі ўсе 90 хвілін у якасці капітана. Пасля завяршэння кар’еры застаўся працаваць у структуры «Іслачы»^[6].

У студзені 2019 года стаў памочнікам галоўнага трэнера «Іслачы» Віталя Жукоўскага^[7]. У лютым 2020 года перайшоў на працу ў юнацкую каманду клуба^[8].

Дасягненні

• 03 Бронзавы прызёр чэмпіянату Беларусі: 2007
• Уладальнік Кубка Беларусі: 2012

Крыніцы

1. Igor Zyulev // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. Гунчак, Зюлев, Сучков, Хотов, Шкабара и Демидович продлили соглашения с "Нафтаном" (руск.). football.by (9 лютага 2015). Праверана 6 мая 2024.
3. Шкабара, Сучков и еще три футболиста, скорее всего, покинут «Нафтан» (руск.). by.tribuna.com.
4. Зюлев и Сучков продлили контракты к "Нафтаном" (руск.). football.by (4 студзеня 2016). Праверана 6 мая 2024.
5. Зюлев подписал контракт с «Ислочью» (руск.). by.tribuna.com.
6. Зюлев завершил карьеру футболиста и остается работать в структуре "Ислочи" (руск.). football.by (3 снежня 2018). Праверана 6 мая 2024.
7. Зюлев вошел в тренерский штаб "Ислочи" (руск.). football.by (14 студзеня 2019). Праверана 6 мая 2024.
8. Игорь Зюлев возглавил юношескую команду «Ислочи» (руск.). Афіцыйны сайт «Іслачы» (19 лютага 2020). Праверана 6 мая 2024.