Іван Капітонавіч Плотнікаў

Іван Капітонавіч Плотнікаў
Дата нараджэння	1862
Дата смерці	1918
Альма-матар	Імператарская Акадэмія мастацтваў
Медыяфайлы на Вікісховішчы

Іван Капітонавіч Плотнікаў (1862—1918) — расійскі архітэктар, які працаваў на тэрыторыі Беларусі. Гродзенскі губернскі архітэктар^[1] (1900—1912), вяцкі губернскі архітэктар (1912—1916)^[2].

Біяграфія

Скончыў Імператарскую Акадэмію мастацтваў. У чыне калежскага асэсара ў 1891—1900 гадах працаваў гродзенскім малодшым інжынерам. У 1900—1912 гадах працаваў гродзенскім губернскім архітэктарам^[3]. У пачатку XX стагоддзя пражываў у доме № 26 па вуліцы Рэзніцкай.

Творчасць

Свята-Мікалаеўская брацкая царква ў Брэсце.

Касцёл Найсвяцейшай Дзевы Марыі ў Рэплі.

Яшчэ ў час працы малодшым архітэктарам будаўнічага аддзялення гродзенскага губернскага праўлення ў 1896 годзе даў крытычную ацэнку праекту Свята-Мікалаеўскай царквы ў горадзе Брэсце: «Прадстаўленыя чарцяжы маюць лішак упрыгожванняў, якія не ўвашлі ў каштарыс, асабліва тынкавыя працы, між тым чарцёж, паводле майго меркавання, павінен дакладна паказваць толькі тое, што ўключана ў каштарыс, які падлягае праверцы»^[4].

У 1904 годзе прыкамандзіраваны да адмысловай камісіі Свяцейшага сінода па аднаўленні Каложскай царквы ў Гродне^[5].

Праекты

Беларусь

• Зацвярджэнне праекта касцёла Святога Аляксея ў мястэчку Сяльцы Пружанскага павета (16 лютага 1906)^[6].
• План мясцовасці пад будаўніцтва і праект касцёла Праабражэння Гасподняга ў вёсцы Вялікай Бераставіцы Гродзенскага павета (1907)^[7].
• Праект і каштарыс на будаўніцтва мураванага касцёла ў мястэчку Лыскаве Пружанскага павета (23 ліпеня 1907)^[8] — не рэалізаваны.
• Праект і каштарыс на пабудову акруговай бальніцы ў горадзе Гродне (1891—1894)^[A][9].
• Праект касцёла Найсвяцейшай Дзевы Марыі ў мястэчку Рэплі Ваўкавыскага павета (1900)^[10].
• Праект мураванага бровара ў маёнтку Станіслава Незабытоўскага Алешавічах Гродзенскага павета (1895)^[11] — не захаваўся.
• Праект Пакроўскага кафедральнага сабора ў Гродне (у суаўтарстве з Міхаілам Прозаравым і Іванам Савельевым)^[12].
• Праект перабудовы Свята-Троіцкай царквы ў мястэчку Зэльве Ваўкавыскага павета (пачатак XX ст.)^[13].
• Праект Свята-Мікалаеўскай брацкай царквы ў горадзе Брэсце (1895—1896)^[14].
• Праект Свята-Уладзімірскай царквы-школы на Занёманскім фарштаце ў Гродне (1895)^[15].
• Праект сядзібна-паркавага ансамбля Талочкаў: капліцы, бровара, парку ў маёнтку Вердамічах Гродзенскага павета (канец XIX — пачатак XX ст.)^[16].

Польшча

• Праект драўлянага цырку і летняга тэатру ў горадзе Беластоку (1894—1897) — не захаваліся^[17].

Расія

• Праект паўночнага цаглянага двухпавярховага корпуса Іжэўскай жаночай гімназіі (сумесна з І. А. Чарушыным  (руск.)) (1912—15).
• Праект стараверскай малельні ў Кіраве (1910) — інжынер Э. К. Нюквіст, архітэктар І. К. Плотнікаў.

Заўвагі

1. У цяперашні час знаходзіцца на вуліцы Горкага, 1

Зноскі

1. Плотников Иван Капитонович // Кулагин А. Н. Деятельность гродненских зодчих XIX — начала ХХ в. (по архивным материалам) (руск.)
2. ПЛОТНИКОВ Иван Капитонович Архівавана 23 красавіка 2016. (руск.)
3. Памятная книжка Гродненской губернии на 1900 год. // Гродно: Типография губернского правления, 1900. — C. 30 (руск.)
4. Кулагин А. Н. Гродненские зодчие XIX — начала XX веков (новые архивные изыскания). // Пытанні мастацтвазнаўства, этналогіі і фалькларыстыкі. Выпуск 24. — Мінск, «Права і эканоміка». — 2018. — С. 75
5. Нацыянальны гістарычны архіў Беларусі. — Ф. 8. Воп. 2, спр. 1684, л. 1
6. Нацыянальны гістарычны архіў Беларусі. — Ф. 8. Воп. 2, д. 1825, л. 3 — 9
7. Нацыянальны гістарычны архіў Беларусі. — Ф. 1. Воп. 18, спр. 1173, л. 23
8. Нацыянальны гістарычны архіў Беларусі. — Ф. 1. Воп. 18, спр. 1112, л. 51.
9. Нацыянальны гістарычны архіў Беларусі. — Ф. 8. Воп. 1. Спр. 736
10. Парафіі і святыні. Рэпля. // Слова Жыцця, 16 лютага 2014. (бел.)
11. Нацыянальны гістарычны архіў Беларусі. — Ф. 8. Воп. 2, спр. 1063, л. 3 — 4.
12. Гродно. Кафедральный собор в честь Покрова Пресвятой Богородицы Архівавана 23 чэрвеня 2019.. // Официальный сайт паломнического отдела Белорусской православной церкви, 2007. (руск.)
13. Гісторыя гарадскога пасёлка Зэльвы Архівавана 6 лютага 2023.. // Зэльвенская раённая бібліятэка. (бел.)
14. 2016 г. – 110 гадоў з часу пабудавання (1906) Свята-Мікалаеўскай Брацкай царквы ў г. Брэсце. // Брэсцкая абласная бібліятэка, 29 ліпеня 2016. (бел.)
15. Нацыянальны гістарычны архіў Беларусі. — Ф. 8. Воп. 2. 1032, л. 1; Нацыянальны гістарычны архіў Беларусі. — Ф. 97. Воп. 2, спр. 1032, л. 1
16. Фрагменты былой сядзібы. // Гродзенская абласная навуковая бібліятэка імя Я. Ф. Карскага, 2018. (бел.)
17. Marek Kietliński i Wojciech Śleszyński. Repatriacje i migracje ludności pogranicza w XX wieku. — Białystok, 2004. ISBN 83-920642-0-8. — S. 207