BMW E90

BMW E90/91/92/93

BMW E90/91/92/93 на Вікісховішчы

Агульныя даныя

Вытворца:

Bayerische Motoren Werke AG

Выпуск:

2005—2013

Зборка:

ФРГ  Мексіка  Паўднёва-Афрыканская Рэспубліка  Егіпет  Кітай  Расія  Інданезія  Індыя

Дызайн

Тып(ы) кузавы:

4‑дзв. седан (5‑месн.) (Е90) 5‑дзв. універсал (5‑месн.) (Е91) 2‑дзв. купэ (4‑месн.) (Е92) 2‑дзв. кабрыялет (4‑месн.) (Е93)

Характарыстыкі

Масава-габарытныя

Даўжыня:

седан: 4520 мм універсал: 4520 мм купэ/кабрыялет/M3: 4580 мм

Шырыня:

седан/універсал: 1817 мм/1817 мм купэ/кабрыялет: 1785/1785 мм M3: 1780 мм

Вышыня:

седан: 1420 мм універсал: 1410 мм купэ/кабрыялет: 1370 мм M3: 1360 мм

Колавая база:

2760 мм

На рынку

Папярэднік Папярэднік BMW E46

Пераемнік Пераемнік BMW F30/31 BMW F32/33

Звязаныя:

BMW M3, BMW X3

Падобныя мадэлі:

Audi A4, Mercedes-Benz C-клас, Lexus IS

Сегмент:

D-сегмент

Іншае

Аб'ём бака:

63 л

Дызайнер:

Ёджы Нагашыма  (англ.) (седан)[1] Марк Мішэль Маркефка (Coupé, кабрыялет)[2] Крыстафер Нордман (універсал)

BMW E90 — аўтамабільная платформа, на якой пабудавана пятае пакаленне 3-й серыі BMW.

Гісторыя

Афіцыйна, серыйная вытворчасць Е90 пачалася ў 2005 годзе, змяніўшы папярэднюю мадэль E46. Універсал (E91), купэ (E92) і кабрыялет (E93) былі прадстаўлены ў канцы 2006 года. У 2007 стартавалі продажы BMW M3 з кузавамі седан і купэ, а ў студзені 2008 з’явіўся M3 кабрыялет.

• 
  Седан BMW 3 (2005–2008), выгляд ззаду
• 
  Універсал BMW 3er Touring (2005–2008)

Па параўнанні з папярэднікам (E46), E90 павялічыўся ў памерах — вырас у даўжыню на 8 см да 4,55 метра і ў шырыню на 3 см. Колавая база павялічылася на 3,5 см. Прыкметна змяніўся і дызайн BMW 3 серыі.

Рухавікі:

• бензінавыя: чатырохцыліндравыя аб'ёмам 2,0 л (115, 129 і 150 к.с.) і радныя шасціцыліндравыя аб'ёмам 2,5 л (218 к.с.) і 3,0 л (258 к.с.);
• турбадызелі: 2,0 л (163 к.с.) і 3,0 л (231 к.с.).

З усімі рухавікамі абсталёўваліся 6-ступеньчатыя механічная або аўтаматычная каробкі перадач. Меў прывад як на заднія колы так і поўны прывад xDrive.

Для седана BMW E90 былі даступныя эксклюзіўныя пакеты Lifestyle, Sport, Exclusive Edition і M Sport Package.

Пасля мадэрнізацыі ў канцы 2008 года змяніліся люстэркі, бамперы, крышка багажніка, заднія ліхтары сталі L-падобнай формы. Усе рухавікі былі абсталяваныя непасрэдным упырскам паліва, а іх магутнасць была павялічана.

• 
  Седан BMW 3 (2008–2011)
• 
  BMW 3 (2008–2011), выгляд ззаду
• 
  Універсал BMW 3 Touring (2008–2012)

Мадэльны шэраг

Седан (Sedan)

• Е90 (2005 — 2009)
• Е90LCI (2009 — 2011)

Універсал (Touring)

• Е91 (2005 — 2009)
• Е91LCI (2009 — 2012)

Універсал мае ўзмоцненую ў параўнанні з седанам заднюю падвеску. Аб'ём багажніка пры складзеных задніх сядзеннях складае 1385 л.

Купэ (Coupe)

• Е92 (2006 — 2010)
• Е92LCI (2010 — 2013)

Кабрыялет (Cabrio)

• Е93 (2007 — 2010)
• Е93LCI (2010 — 2013)

Бяспека

Аўтамабіль прайшоў тэст Euro NCAP у 2005 годзе:

Вынікі тэсту Euro NCAP, 2005[3]
Бяспека дарослых пасажыраў		35
Бяспека пасажыраў-дзяцей		39
Бяспека пешаходаў		4
Пратэставаны аўтамабіль: BMW 320d

Вытворчасць

Усяго за перыяд з сакавіка 2005 па снежань 2009 года было выраблена 2 147 247 аўтамабіляў. У тым ліку 1 341 739 седанаў, 412 723 універсалы, 245 777 купэ і 146 308 кабрыялетаў.

У спорце

M3 GT2

BMW M3 GT2. 24 гадзіны Ле-мана, 2011 год

M3 GT2 — мадыфікацыя гоначнага аўтамабіля для ўдзелу ў гонках серыі Ле-Ман.

M3 DTM

BMW M3 DTM. Жэнеўскі аўтасалон, 2013 год

Асноўны артыкул: BMW M3 DTM

У 2012 годзе BMW вярнулася ў чэмпіянат DTM  (ням.)^[4]. Машыны гэтай гоначнай серыі не маюць агульнага з серыйнымі мадэлямі, а будуюцца на аснове прасторавага каркаса і толькі сілуэтам нагадваюць дарожныя аўтамабілі. Знешні выгляд прататыпаў 2012—2013 гадоў быў прыведзены да падабенства з купэ M3 (E92).

У 2012 годзе Бруна Спэнглер  (англ.) выйграў чэмпіёнскі тытул, а BMW атрымала перамогу ў заліку вытворцаў. У гонар перамогі выпусцілі спецыяльную абмежаваную серыю дарожных купэ M3 — BMW M3 DTM Champion Edition. Зроблена 54 адзінкі^[5][6].

Зноскі

1. From the drawing board to the road (нявызн.). BMW Group. Праверана 8 кастрычніка 2012.
2. The new BMW 3 Series Coupé: design sketch (06/2006) (нявызн.). Праверана 11 March 2013.
3. https://www.euroncap.com/en/results/bmw/3-series/15658
4. BMW представила машину для серии DTM (руск.). motor.ru (16 ліпеня 2011). Праверана 10 лістапада 2023.
5. BMW M celebrates DTM triumph with BMW M3 DTM Champion Edition model // press.bmwgroup.com (англ.)
6. Das Sondermodell zum DTM-Sieg // AutoBild (ням.)

Літаратура

• Разрушитель стереотипов // За рулём - Регион : газета. — 2013. — № 16 (287). — С. 28–31. (руск.)

Спасылкі

• Форум Беларускага клуба ўладальнікаў BMW E90/91/92/93