Ян Аношка

Ян Аношка
Асабістыя звесткі
Дата нараджэння	каля 1775
Месца нараджэння	Быхаўскі раён, Магілёўская акруга, БССР
Дата смерці	1820 ці 1827
Грамадзянства	Рэч Паспалітая
Прафесійная дзейнасць
Род дзейнасці	паэт

Ян Аношка (польск.: Jan Onoszko; каля 1775, Быхаўскі раён, Магілёўская вобласць — 1820 або 1827) — польскі і беларускі паэт. Дакладныя факты біяграфіі не захаваліся. Некаторыя аўтары атаясняюць яго з ксяндзом Янам Аношкам  (польск.), рэктарам Варшаўскай духоўнай семінарыі (1823—1831).

Творчасць

Пісаў панегірыкі шляхце, сатырычныя вершы. Аўтар паэмы «Бібеіда» (распаўсюджвалася ў рукапісах). У сваіх сентыментальных творах услаўляў жыццё ў вясковым зацішшы («Муза з вясковае далі», «Мае думкі», «На дажынкі»), прапаведаваў працавітасць і сумленнасць («Літасць»), высмейваў асобныя заганы («На п’янага ветрагона»). Некаторыя яго вершы маюць рэлігійна-містычнае адценне («Сон», «Да бога»).

У 1828 Т. Урублеўская выдала ў Полацку яго «Паэтычныя творы». П. Мядэкша ўключыў вершы Аношкі ў зборніку «Вянок з папараці» (Вільня, 1842). Пра Аношку як «беларускага паэта» пісалі Р. Падбярэскі, рускі бібліёграф Р. Генадзі  (руск.). На беларускую мову творы Аношкі перакладаў У. Дубоўка.

Зноскі

Літаратура

• Мальдзіс А. В. Ано́шка Ян // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 375. — 10 000 экз. — ISBN 985-11-0035-8. — ISBN 985-11-0036-6 (т. 1).

Беларускія пераклады

• Беларуская літаратура XIX стагоддзя: Хрэстаматыя. — Мн., 1988. — С. 451—454.