Юндзінхэ — рака ў Паўночным Кітаі, адзін з сямі найбуйнейшых прытокаў ракі Хайхэ. Найбуйнейшая рака, якая працякае цераз правінцыю Хэбэй і тэрыторыю горада цэнтральнага падпарадкавання Пекін.
Рака Юндзінхэ ўтвараецца са зліцця рэк Санганьхэ і Янхэ, назву Юндзінхэ яна атрымлівае пасля вадасховішча Гуаньцін у павеце Хуайлай правінцыі Хэбэй. Пасля вадасховішча рака пераадольвае горы Гуаньцін, і ў Мыньтаўгоў выцякае на раўніну. Далей яна працякае праз раёны Фынтай і Дасін, зноў трапляе ў правінцыю Хэбэй, потым цячэ па тэрыторыі горада цэнтральнага падпарадкавання Цяньцзінь, і там упадае ў раку Хайхэ. Ацэнкі даўжыні ракі разыходзяцца ў залежнасці ад таго, што лічыць яе асноўным рэчышчам да вадасховішча Гуаньцін (і ці лічыць увогуле), і вагаюцца ад 650 да 747 км.
Зноскі
