Школа № 10 імя С. Ф. Рубанава (Слуцк)

Школа № 10 імя С. Ф. Рубанава
Заснавана	28 лістапада 1938
Тып	сярэдняя школа^[d]
Краіна	Беларусь
Адрас	Слуцк, вул. Уласаўца, 3

Школа № 10 імя С. Ф. Рубанава — сярэдняя навучальная ўстанова, якая знаходзіцца ў Слуцку па адрасе вул. Уласаўца, 3.

Будынак

Гісторыя школы пачалася з будынка, у якім было 13 класных памяшканняў, 28 лістапада 1938 года. Пры школе не мелася спартыўнай залы і навучальных майстэрняў. У час вайны ў школе быў размешчаны ваенны шпіталь з чэрвеня 1941 года да канца чэрвеня 1944 года. Падчас вызвалення школа была часткова разбурана, але ўжо ў ліпені 1944 годзе на пасяджэнні гарвыканкама было прынята рашэнне аднавіць будынак да пачатку навучальнага году. У 1947 годзе быў праведзены капітальны рэмонт школы^[1].

У канцы 1950-х гаспадарчым спосабам была пабудавана спартыўная зала. У сярэдзіне 1960-х гадоў да школы быў прыбудаваны двухпавярховы корпус^[1].

У 1980-х гадах школа атрымала яшчэ адну прыбудову. У ёй змясціліся новыя кабінеты, з’явіліся спартыўная і актавая залы, сталовая^[1].

Дырэктары школы

• 1938—1939 — Беразоўскі Пётр Аляксандравіч
• 1939—1941 — Журавель Барыс Аляксандравіч
• 1944 — Сарагавец В. А.
• 1944—1948 — Козел Фёдар Сямёнавіч
• 1948—1987 — Рубанаў Сяргей Фёдаравіч
• 1987—1998 — Каляда Мікалай Уладзіміравіч
• 1998—2013 — Дулін Уладзімір Мікалаевіч
• 2013— цяперашні час — Шыловіч Аляксандр Мікалаевіч

Вядомыя выпускнікі

• Міхаіл Самуілавіч Басалыга — беларускі мастак
• Уладзімір Самойлавіч Басалыга — беларускі мастак
• Мікалай Іванавіч Камяк  (руск.) — савецкі і расійскі вучоны ў галіне фізічных метадаў даследавання матэрыялаў
• Павел Андрэевіч Місько — беларускі пісьменнік
• Аляксандр Сяргеевіч Рубанаў — беларускі фізік
• Аляксандр Васільевіч Тузікаў — прафесар, генеральны дырэктар Аб’яднанага інстытута праблем інфарматыкі НАН Беларусі
• Ігар Адамавіч Ціткоўскі — краязнавец і мастацтвазнавец, гісторык архітэктуры^[2]

Узнагароды

У 1974 годзе 10-я школа была ўдзельніцай ВДНГ СССР  (руск.), дзе ўзнагароджана дыпломамі I і II ступені. Настаўнік фізікі, 32-гадовы педагог І. П. Лазоўскі за дасягнутыя поспехі ў развіцці народнай адукацыі быў узнагароджаны бронзавым медалём Галоўнага камітэта ВДНГ СССР^[3].

Зноскі

1. Школа № 10 отмечает 80-летие. Летопись: что это за школа и чем она приметна для Слуцка Архівавана 19 студзеня 2021. (руск.)
2. Титковский Игорь Адамович (руск.)
3. Слуцкий «маршал» физики (руск.)