Туфлі — абутак, які закрывае нагу не вышэй за шчыкалатку.
Больш высокі абутак звычайна называецца чаравікамі, бацільёнамі або паўбоцікамі, а яшчэ больш высокі — ботамі.
Існуе блытаніна паміж туфлямі і паўчаравікамі. Асноўнае адрозненне — паўчаравікі цалкам закрываюць тыльную паверхню ступні, а туфлі — не[1]. Але ва ўжытку звычайна ўвесь абутак ніжэй за шчыкалатку называецца туфлямі.
Слова «туфель» паходзіць ад ням.: tuffele / tuffel / pantuffel, а таксама ад італ.: раntоfolа.