Трубаправод

Трубаправо́д — інжынерна-тэхнічнае збудаванне, прызначанае для транспарціроўкі газападобных, вадкіх, пылападобных рэчываў, а таксама цвёрдых рэчываў у выглядзе раствора / завісі пад уздзеяннем розніцы ціскаў у папярочных перасеках трубы.

Класіфікацыя трубаправодаў

У залежнасці ад месцазнаходжання трубаправода:

• Надземны / наземны
• Падземны
• Падводны
• Плывучы

У залежнасці ад рэчыва, якое транспартуецца:

• Вадаправод
• Паветравод
• Газаправод
• Прадуктаправод — напрыклад, нафтаправод, аміякаправод, гідратранспарт карысных выкапняў.

Іншыя:

• Пнеўматычная пошта — выкарыстанне паветра пад ціскам для перасоўвання па трубах фізічных аб’ектаў (часцей за ўсё, стандартызаваных капсул з аб’ектамі невялікай масы і аб’ёму).
• Цеплаправод (гл. цеплавая сетка)
• Каналізацыя — адвод сцёкаў праз сістэму трубаправодаў.

Часткі трубаправодаў

У склад трубаправодаў уваходзяць: кампрэсарная станцыя, краны, трубаправодная арматура, заглушкі, клапаны і гэтак далей.

Прававыя нормы

• Пастанова МНС Рэспублікі Беларусь ад 21 сакавіка 2007 г. № 20 «Аб зацвярджэнні Правілаў будовы і бяспечнай эксплуатацыі тэхналагічных трубаправодаў»^[1]

Цікавыя факты

• У 2004 годзе кантрабандысты з Эстоніі і Расіі здолелі ўвесці ў нелегальную эксплуатацыю «водкаправод».

Зноскі

1. Пастанова МНС Рэспублікі Беларусь ад 21 сакавіка 2007 г.