Сяргей Георгіевіч Жунін

Сяргей Георгіевіч Жунін
Дата нараджэння	18 жніўня 1906(1906-08-18)
Месца нараджэння	Мядзведзіцкае^[d], Кашынскі павет^[d], Цвярская губерня, Расійская імперыя
Дата смерці	27 студзеня 1977(1977-01-27) (70 гадоў)
Месца смерці	Мінск, БССР, СССР
Месца пахавання	Мінск
Грамадзянства	СССР
Прыналежнасць	СССР
Род войскаў	танкавыя войскі СССР
Званне	Палкоўнік
Бітвы/войны	Вялікая Айчынная вайна
Узнагароды і званні

Сяргей Георгіевіч Жунін (18 жніўня 1906, сяло Мядзведзіцкае Кімрскага раёна Цвярской вобласці — 27 студзеня 1977) — адзін з арганізатараў партызанскага руху ў Магілёўскай і Брэсцкай абласцях. Герой Савецкага Саюза (1944).

Біяграфія

У Чырвонай Арміі з 1928 года. Член КПСС з 1943. З чэрвеня 1941 года — на Заходнім фронце, намеснік камандзіра танкавага палка, удзельнік абароны Беластока, Гродна, Ваўкавыска, Слоніма. З ліпеня 1941 года ў партызанах: арганізоўваў атрады ў Круглянскім і Шклоўскім раёнах, камандзір групы, у красавіку 1942 — сакавіку 1943 гадоў — камандзір атрада «Сяргея», адначасова ў кастрычніку 1942 — сакавіку 1943 гадоў камандаваў 8-й Круглянскай партызанскай брыгадай, у жніўні — снежні 1943 года — Круглянскай ваенна-аператыўнай групай, са снежня 1943 года — 8-й партызанскай брыгадай, якая зрабіла рэйд у Брэсцкую вобласць. У 1944—1950 гадах — на савецкай рабоце ў Брэсце і ў Мінску. Аўтар кнігі «Ад Дняпра да Буга».

Памяць

Помнік на Алеі Герояў у Круглым

• Яго імем названа вуліца і пастаўлены помнік на Алеі Герояў у г.п.Круглае.
• У Мінскай сярэдняй школе № 100 быў створаны музей, прысвечаны Жуніну.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.