Славянск

Горад Славянск укр.: Слов’янськ Герб^[d] Сцяг^[d] Краіна  Украіна Вобласць Данецкая вобласць Раён Краматорскі раён Каардынаты 48°51′12″ пн. ш. 37°36′21″ у. д.^HGЯO Мэр Вадзім Лях^[d][1] Заснаваны 1645 Плошча 58,9 км² Вышыня цэнтра 74 м Насельніцтва 54 000[2] чалавек (2024) Часавы пояс UTC+2, летам UTC+3 Тэлефонны код 6262 Паштовыя індэксы 84122 Афіцыйны сайт slavrada.gov.ua Славянск на карце Украіны ±

Медыяфайлы на Вікісховішчы

Славя́нск (укр.: Слов'янськ) — горад абласнога значэння ў Данецкай вобласці Украіны. Размешчаны ў паўночнай частцы вобласці на рацэ Казённы Тарэц (прыток Северскага Данца, басейн Дона). Уваходзіць у Краматорскую агламерацыю.

Гісторыя

У XVI ст. на тэрыторыі сучаснага Славянска пачалі сяліцца беглыя сяляне з іншых частак Украіны. У 1645 дзеля абароны ад набегаў татараў казакі збудавалі крэпасць Тор. З тых часоў Славянск — цэнтр здабычы солі і гандлю ёй. Існуе таксама іншая версія заснавання горада: пад прыкрыццём Маяцкая астрога ў 1664 распачалося дзяржаўнае (па—татарску казённае) солеварэнне на Торы, якое знаходзілася пад няспыннай аховай, што спрыяла фарміраванню тут сталага насельніцтва. Вынікам чаго стала ў 1676^[3] заснаванне мястэчка Тор, у якім на пачатак 1677 ужо пражывала 245 украінскіх сем’яў.

У 1685—1764 Тор — соценнае мястэчка Ізюмскага палка. У 1784 паселішча перайменавалі ў Славянск (пазней Славянскае). Адначасна яно атрымала статус горада і стала цэнтрам павета Кацярынаслаўскага намесніцтва. У 1787 Славянск увайшоў у склад Ізюмскага павета Слабадской-Украінскай (з 1835 — Харкаўскай) губерні. З 1880-х чыгуначны вузел.

У 1930-я пачаўся рост прамысловасці Славянска. 19 красавіка 2011 горад атрымаў статус курорта дзяржаўнага значэння.

Вайнныя дзеянні

Асноўныя артыкулы: Вайна на ўсходзе Украіны і Супрацьстаянне ў Славянску

Пачынаючы з красавіка 2014 г. горад стаў арэнай баявых дзеянняў паміж сепаратысцкімі групоўкамі і ўкраінскімі сілавікамі. Узброены канфлікт пачаўся ў ноч 11 красавіка 2014, калі ўзброеныя аўтаматамі сепаратысты захапілі райаддзел міліцыі і вывесілі там сцяг Расіі^[4]. Да 25 красавіка украінскім войскам удалося акружыць горад^[5], але толькі 5 ліпеня ўкраінскія ваенныя цалкам вызвалілі горад^[6].

Насельніцтва

• 1971 — 134,5 тыс. чал.^[7]
• 2000 — 130 тыс. чал.^[3]
• 2012 — 118 тыс. чал.

Эканоміка

Транспартны вузел Данбаса. Прадпрыемствы з вытворчасці соды, керамічных вырабаў, заводы цяжкага машынабудавання, алоўкавая, мэблевая фабрыкі і іншае. Здабыча кухоннай солі. ГРЭС.

Адукацыя і навука

• Данбаскі дзяржаўны педагагічны ўніверсітэт

Турыстычная інфмармацыя

Славянск — адзін з найстарэйшых гразелячэбных курортных цэнтраў Украіны. З 19 красавіка 2011 г. з’яўляецца курортам дзяржаўнага значэння. У горадзе дзейнічае краязнаўчы музей.

Вядомыя асобы

• Мікалай Іларыёнавіч Сямейка (1923—1945) — двойчы Герой Савецкага Саюза. Нарадзіўся ў Славянску.

Зноскі

1. http://www.slavrada.gov.ua/?view=council.golova
2. https://suspilne.media/amp/donbas/725212-akim-kostom-slovansk-likvidovue-naslidki-obstriliv-ta-skilki-ludej-lisaetsa-u-misti/
3. Славянск // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. С. 504.
4. Сепаратисти на Донбасі захопили облпрокуратуру та міськвідділ міліції // Українська правда, 11 квітня 2014
5. Нацгвардія оточила Слов’янськ і заблокувала всі в’їзди // Тиждень.ua
6. Вооруженные сепаратисты покинули Славянск // Радио «Эхо Москвы»
7. Славянск // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)

Літаратура

• Славянск // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 504. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• На Вікісховішчы ёсць медыяфайлы па тэме Славянск
• Славянск Архівавана 3 лістапада 2013. // Вялікая савецкая энцыклапедыя (руск.)