Сан-Сальвадор (горад)

Горад Сан-Сальвадор San Salvador Герб Сцяг Краіна  Сальвадор Каардынаты 13°41′ пн. ш. 89°11′ з. д.^HGЯO Кіраўнік Mario Edgardo Durán Gavidia^[d] Заснаваны 1 красавіка 1525 Першая згадка 1525 Плошча 610 км² Вышыня цэнтра 658 м Насельніцтва 540 898 чалавек (2009) Часавы пояс UTC-6 Афіцыйны сайт amss.gob.sv Сан-Сальвадор на карце Сальвадора

Медыяфайлы на Вікісховішчы

Сан-Сальвадо́р^[1] (ісп.: San Salvador, мянушка: San Sivar) — сталіца Сальвадора, знаходзіцца ў цэнтральнай частцы краіны, каля вулкана Сан-Сальвадор, за 35 км ад узбярэжжа Ціхага акіяна, у даліне ракі Амакас. Колькасць насельніцтва складае каля 570 тысяч чалавек, а разам з прыгарадамі 2,1 мільёнаў чалавек.

Горад быў заснаваны ў 1525 годзе на месцы захопленай іспанцамі індзейскай сталіцы Кускатлана, але да нашых дзён не засталося нічога, што нагадвала б каланіяльныя часы. Горад некалькі разоў руйнаваўся вывяржэннямі вулкана і землетрасеннямі (апошні раз у 1986 годзе). Пасля моцнага вывяржэння 1854 года сталіца была часова перанесеная ў Нуэва Сан-Сальвадор. Значныя руйнаванні адбыліся і ў 1934 годзе, а ў 1980-х гадах горад значна пацярпеў ад ваенных дзеянняў грамадзянскай вайны.

Праз Сан-Сальвадор праходзіць Панамерыканская аўтастрада. Таксама горад злучаны аўтамабільнай дарогай з марскім портам Ла Лібертад на ўзбярэжжы Ціхага акіяна, а з іншым портам Акаджутла, Сан Сальвадор злучаецца чыгункай. За 50 км на поўдзень ад горада знаходзіцца міжнародны аэрапорт.

Крыніцы

1. БелЭн 2002.

Літаратура

• Сан-Сальвадор // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 159. — 10 000 экз. — ISBN 985-11-0035-8. — ISBN 985-11-0238-5 (т. 14).