Рэн

Горад
Рэн
фр.: Rennes, брэт.: Roazhon
Герб[d] Сцяг[d]
Герб[d] Сцяг[d]
Краіна
Рэгіён
Дэпартамент
Каардынаты
Кіраўнік
Плошча
50,39 км²
Вышыня цэнтра
30 м
Водныя аб’екты
Вілен[1] і Іль[d]
Насельніцтва
209860 чалавек (2012)
Шчыльнасць
4165 чал./км²
Агламерацыя
420000 чалавек
Часавы пояс
Паштовыя індэксы
35000, 35200 і 35700
Афіцыйны сайт
Рэн на карце Францыі
Рэн (Францыя)
Рэн

Рэн (фр.: Rennes, брэт.: Roazhon) — горад у Францыі, прэфектура дэпартамента Іль і Вілен і адміністрацыйны цэнтр рэгіёна Брэтань. Горад размешчаны на захадзе Францыі, пры зліцці рэк Іль і Вілен. Станам на 2012 год у Рэне пражывала 209 860 жыхароў.

Гісторыя

Назву гораду дало кельцкае племя рэдонаў, якое жыло тут у старажытнасці. Сталіца рэдонаў, якая дала пачатак Рэну, стаяла на скрыжаванні асноўных шляхоў вобласці Арморыка. Рэнская епархія вядзе адлік сваёй гісторыі з IV стагоддзя. У Сярэднявеччы графы Рэна аспрэчвалі ў графаў Нанта вяршэнства ў Брэтані. Суперніцтва паміж Нантам і Рэнам працягвалася і пасля далучэння Брэтані да Францыі ў пачатку XVI стагоддзя.

Сярэднявечны Рэн быў знішчаны вялікім пажарам 1720 года, аднак ацалеў Палац парламента Брэтані з пышна дэкараванай галоўнай залай. Цэнтр горада, зноў быў выбудаваны ў XVIII стагоддзі, можа служыць прыкладам горадабудаўнічай палітыкі класіцызму з шырокімі вуліцамі, размешчанымі перпендыкулярна адна да адной. Парадную забудову часоў Людовіка XV прадстаўляе гарадская ратуша. Тады ж была каналізавана рака Вілен.

Падчас Вялікай французскай рэвалюцыі горад служыў плацдармам для падаўлення вандэйскіх паўстанцаў. У гады Другой сусветнай вайны Рэн моцна пацярпеў ад бамбардзіровак як немцаў, гэтак і саюзных войскаў: загінулі тысячы гараджан, былі разбураны многія старадаўнія будынкі, у тым ліку гарадскі музей.

Славутасці

  • Помнікі грамадзянскай архітэктуры старога парадку: палац парламента Брэтані (1618—1655), Рэнская ратуша (1722), будынкі ўніверсітэта, біскупскі палац (1672), тэатр.
  • Рэлігійныя помнікі — гатычная царква Сент-Абен і Рэнскі сабор. Апошні закладзены ў XII стагоддзя, у 1490 г. часткова абрынуўся, новы фасад збудаваны ў XVI—XVII стст., у XVIII стагоддзі разабраны ад страху перад новым абвальваннем, да 1844 г. збудаваны нанова ў стылі класіцызму.
  • Батанічны сад Табор, адкрыты для наведвання ў 1868 годзе.

Эканоміка

Традыцыйна ў Рэне былі прадпрыемствы машынабудавання, развіты ганчарнае, мэблевае і гарбарнае вытворчасці, быў развіты гандаль скатом, птушкай, хлебам, мёдам, воскам і лесам.

Цяпер у Рэне ёсць прадпрыемствы такіх кампаній, як Citroën, France Telecom.

Насельніцтва

Год Колькасць
1968 180 943 [2]
1975 198 305 [2]
1982 194 656 [2]
1990 197 536 [2]
1999 206 229 [2]
Год Колькасць
2006 209 613 [2]
2011 208 033 [2]
2012 209 860
2013 211 373
2014 213 454 [3]
Год Колькасць
2015 215 366 [4]
2016 222 104 [5]
2017 216 815 [6]
2018 217 728 [7]
2019 220 488 [8]
Год Колькасць
2020 222 485 [9]
2021 225 081 [10]
2022 227 830 [11]

Адукацыя і культура

У XIX стагоддзя ўніверсітэты (каля 63 000 студэнтаў) складаліся з факультэтаў юрыдычнага, філасофскага і фізіка-матэматычнага і фармацэўтычнага інстытута. У канцы стагоддзя ў горадзе былі грамадская бібліятэка (600 тыс. тамоў), кансерваторыя, мастацкая школа, настаўніцкая семінарыя (мужчынская і жаночая), земляробчая вучылішчы. У наш час дзейнічаюць Універсітэт Рэн I і Універсітэт Рэн II Верхняй Брэтані.

Спорт

У Рэне базіруюцца футбольны клуб «Стад Рэнэ» (вядомы неафіцыйна проста як «Рэн»).

Транспарт

Брама сярэднявечнага Рэна

З 2002 года дзейнічае цалкам аўтаматычны, без машыністаў, Рэнскі метрапалітэн з 15 станцыямі. Да 2008 года Рэн быў самым маленькім горадам у свеце з паўнавартасным метро (пальму першынства адабраў Лазанскі метрапалітэн).

Гарады-пабрацімы

Памылка Lua: not enough memory.

Вядомыя асобы
Традыцыйная фахверкавая забудова ў цэнтры Палац Сен-Жорж (XVII стагоддзе), цяпер — казармы Інтэр’еры палаца парламента Брэтані

Крыніцы

  1. ↑ Sandre
  2. ↑ а б в г д е ё Populations légales communales depuis 1968 — Нацыянальны інстытут статыстыкі і эканамічных даследаванняў Францыі. Праверана 4 чэрвеня 2021.
  3. ↑ Populations légales 2014−Commune de Rennes (35238) | Insee Праверана 28 кастрычніка 2017.
  4. ↑ Recensement de la population 2015 — 2017.
  5. ↑ Populations légales 2016 — Нацыянальны інстытут статыстыкі і эканамічных даследаванняў Францыі, 2018.
  6. ↑ Populations légales 2017 — Нацыянальны інстытут статыстыкі і эканамічных даследаванняў Францыі, 2019.
  7. ↑ Populations légales 2018 — Нацыянальны інстытут статыстыкі і эканамічных даследаванняў Францыі, 2020.
  8. ↑ Populations légales 2019 — Нацыянальны інстытут статыстыкі і эканамічных даследаванняў Францыі, 2022.
  9. ↑ Populations légales 2020 — Нацыянальны інстытут статыстыкі і эканамічных даследаванняў Францыі, 2022.
  10. ↑ Populations légales 2021 — Нацыянальны інстытут статыстыкі і эканамічных даследаванняў Францыі, 2023.
  11. ↑ Populations légales 2022 — INSEE, 2024.
  12. ↑ https://www.brno.cz/w/rennes-francie
  13. ↑ https://en.brno.cz/w/partnership-agreements
  14. ↑ https://www.leuven.be/zustersteden
  15. ↑ https://www.cityofrochester.gov/article.aspx?id=8589949392
  16. ↑ http://mir-rennes.fr/index.php/jumelages/16-rennes-exeter

Спасылкі

Strategi Solo vs Squad di Free Fire: Cara Menang Mudah!