Оўлуярві (фін. Oulujärvi) — возера ў Паўночнай Остработніі (Фінляндыя). Плошча возера 828 кв. км., сярэдняя вышыня над узроўнем мора 122,7 м, сярэдняя глыбіня каля 7 м. Оўлуярві з’яўляецца чацвёртым па велічыні возерам Фінляндыі.
Каля 500 астравоў, у тым ліку буйны востраў Манамансала. Берагі звілістыя, пакрытыя лесам. Ледастаў з сярэдзіны лістапада да сярэдзіны мая. З возера выцякае рака Оўлуёкі, якая ўпадае ў Батнічны заліў Балтыйскага мора. Суднаходства, рыбалоўства.