Агульная даўжыня 3 км. Пячора складаецца з доўгіх і глыбокіх калідораў, каб іх цалкам прайсці ў сярэднім патрабуецца 5 гадзін. Магура вядомая сваімі сталактытамі, сталагмітамі і сталактонамі. Самы вялікі сталактон мае вышыню 20 м і дыяметр асновы 4. м. Самы вялікі сталагміт, знойдзены пры даследаванні балгарскіх пячор, з даўжынёй 11 м і ў аснове дыяметрам 6 м.
Круглы год у пячоры захоўваецца тэмпература +12 °C.
Наскальны жывапіс
Пячора таксама вядомая 700 узорамі наскальнага жывапісу, якія з’яўляюцца адным з самых старажытных узораў першабытнага мастацтва ў Еўропе, унікальным на Балканах. На іх намаляваны жаночыя і мужчынскія постаці, паляўнічыя, жывёлы, расліны, сонца і зоркі. Балгарскія даследчыкі лічаць, што тут намаляваны найстаражытны ў Еўропе неалітычны сонечны каляндар, які складаецца з 366 дзён[1]. Датыроўка малюнкаў у пячоры ставіцца да Бронзавага веку 3100-900 гадоў да н.э., што робіць гэты каляндар найстаражытным у Еўропе [2]
Сучасная жыццё
Выгляд з пячоры
У пячоры таксама захоўваюцца віны. У самай вялікай Трыумфальнай зале (вышыня 30 м, шырыня — 58, даўжыня — 130 м) праводзяцца канцэрты класічнай музыкі. Для турыстаў створаны дарожкі з поручнямі і асвятленне.
