PROFILBARU.COM

Лідзія Іванаўна Навічыхіна
Лідзія Іванаўна Навічыхіна
Дата нараджэння	1934
Месца нараджэння	Сяргеевічы, Сяргеевіцкі сельсавет, Пухавіцкі раён, БССР, СССР;
Дата смерці	21 снежня 2020
Грамадзянства	Беларусь;
Род дзейнасці	выкладчыца ўніверсітэта, пісьменніца, матэматык, папулярызатар навукі, выкладчык
Навуковая сфера	начартальная геаметрыя[d], лекавыя расліны і фітатэрапія
Месца працы	БНТУ;

Лідзія Іванаўна Навічыхіна (нар. Юркевіч; 1934, Сяргеевічы, Пухавіцкі раён — 21 снежня 2020) — беларускі травазнавец-лекар, спецыяліст па тэхнічным чарчэнні. Аўтар кніг пра лекавыя расліны, па фітатэрапіі і раслінаводстве, а таксама даведачных і вучэбных дапаможнікаў па чарчэнні. Кандыдат тэхнічных навук.

Біяграфія

Нарадзілася ў сяле Сяргеевічы Пухавіцкага раёна Мінскай вобласці ў 1934 годзе.

Сям’я

Бацька, Іван Кандратавіч, быў лесніком, дзядзька — Канстанцін Кандратаввіч — фельчарам. Па просьбе бацькі-лесніка яны з сёстрамі збіралі травы і здавалі ў аптэку. Бацька ж даў першыя веды аб травах. Яшчэ адзін дзядзька — Іван Данілавіч Юркевіч — вядомы вучоны-лесавод, акадэмік-геабатанік, заслужаны дзеяч навукі БССР, аўтар кнігі пра лекавыя расліны Беларусі, дапамог атрымаць навуковыя веды^[1].

Прафесійная кар’ера

Выкладала ў Палітэхнічным інстытуце ў Мінску тэхнічную геаметрыю, начартальную геаметрыю, аўтар мноства падручнікаў па сваёй спецыяльнасці^[1]^[2].

Папулярызацыя фітатэрапіі і батанікі

Лідзія Іванаўна часта выступала на тэлебачанні, выдала шмат кніг па фітатэрапіі^[2], апублікавала больш за 300 артыкулаў у газэтах і часопісах, а таксама арганізавала ў Рэспубліканскім Палацы культуры ветэранаў клуб «Дзевясіл», дзе больш за 20 гадоў запар чытала лекцыі па фітатэрапіі, у тым ліку — і на прыродзе, паказваючы, як і дзе растуць лекавыя травы^[1].

Абраная бібліяграфія

Справочник по техническому черчению / Л. И. Новичихина. — Минск : Выш. шк., 1976. — 239 с. : ил.
Техническое черчение : (справ. пособие) / Л. И. Новичихина. — Минск : Выш. шк., 1983. — 222 с. : ил.
Целебная сила пищевых растений / Л. И. Новичихина. — Минск : Смэлток, 2011. — 300 с., [14] л. цв. ил. : табл. ; 20 см. — 800 экз. — ISBN 978-985-6998-01-3
Азбука лекарственных растений / Л. И. Новичихина. — Минск : Конфидо, 2008. — 223, [1] с., [14] л. цв. ил. : табл. ; 22 см. — 1000 экз. — ISBN 978-985-677-11-3
Целебная сила дикорастущих растений / Л. И. Новичихина. — Минск : Смэлток, 2014. — 313, [4] с., [14] л. цв. ил. : ил., табл. ; 20 см. — 750 экз. — ISBN 978-985-6998-37-2

Зноскі

↑ ^а ^б ^в Некралог
↑ ^а ^б Бібліяграфія

Літаратура

Азбука лекарственных растений / Л. И. Новичихина. — Мн., 2008. (1Н//97768(039))
Зеленая аптека на грядках доктора Миттлайдера / Л. И. Новичихина. — Мн., 1999. (1Ба178937)