Лубанс або Лубанскае возера (лат.: Lubāns) — возера, якое знаходзіцца ў цэнтры нізіны на ўсходзе Латвіі, самае буйное ў Латвіі. Гэта дробнае праточнае возера, у якое ўпадаюць рэкі Рэзэкнэ, Малта, Малмута і Лісін, а таксама некалькі ручаёў. З возера выцякае рака Айвіекстэ, якая ўпадае ў Даўгаву.
Пасля вясновых паводак у 1926 былі збудаваны некалькі плацін і дранажных каналаў. Зрэз вады ў возеры можа штучна змяняцца ад 90 да 93 метраў над узроўнем мора. Пры зрэзе вады ў 90,75 м возера мае плошчу 25 км², плошча павялічваецца да 100 км² пры зрэзе вады 92,75 м.