Ку́бак све́ту па біятло́не (афіцыйна BMW Ruhrgas IBU World Cup) — серыя найбуйнейшых кубкавых міжнародных спаборніцтваў у мужчынскім і жаночым біятлоне. Спаборніцтвы ўключаюць у сябе выступы ў індывідуальнай гонцы, спрынце, гонцы пераследу, мас-старце, эстафеце, змяшанай эстафеце, адзіночнай змешанай эстафеце. Па выніках выступленняў вядзецца рэйтынг спартсменаў у асобных дысцыплінах і па суме ачкоў ва ўсіх дысцыплінах (агульным заліку). Вынікі, дасягнутыя спартсменамі ў эстафетах і змешаных эстафетах, у агульным заліку Кубка свету не ўлічваюцца. Бягучы лідар у агульным заліку выступае ў жоўтай майцы, а лідар у той ці іншай асобнай дысцыпліне — у чырвонай. Ачкі, набраныя спартсменамі на чэмпіянатах свету, таксама ўлічваюцца ў Кубке свету. У залік Кубка ўваходзілі і спаборніцтвы на Алімпійскіх гульнях 1992—2010 гадоў.
У канцы сезону пераможцу ў агульным заліку Кубка свету ўручаецца сертыфікат, грашовы прыз і галоўны трафей спаборніцтваў — «Хрустальны глобус». Сярод мужчын Кубак свету ўпершыню стаў праводзіцца з сезона 1978/1979, сярод жанчын — з сезона 1987/1988.
Як правіла, спаборніцтвы Кубка свету пачынаюцца ў канцы лістапада — пачатку снежня, а заканчваюцца ў сярэдзіне сакавіка. Кубак свету дзеліцца на пэўныя этапы, якія праходзяць на розных трасах і ўключаюць у сябе ў сярэднім па шэсць гонак. Сярэдняя працягласць аднаго этапу — тыдзень. Пачынаючы з сезону 1999/2000 кожны сезон Кубка свету складаецца з дзевяці этапаў (не лічачы Чэмпіянат свету ці Алімпіяду).
Сістэма налічэння ачкоў за гонкі
За кожную гонку, праведзеную біятланістам у Кубку свету, на Алімпійскіх гульнях (з 1998 па 2010 год) і Чэмпіянаце свету (пачынаючы з 1995 года), спартсмен атрымлівае пэўную колькасць ачкоў у залежнасці ад занятага месца. Гэтыя ачкі ідуць у залік Кубка свету па адпаведнай дысцыпліне, так і ў агульны залік Кубка свету.
.svg){kind=small}
.svg){kind=small}
