Кубак Англійскай футбольнай лігі (англ.: English Football League Cup, EFL Cup), больш вядомы як Кубак лігі (англ.: League Cup), — спаборніцтва, якое праводзіцца сярод англійскіх клубных каманд.
Рэгламент
Як і Кубак Англіі, гэты турнір праводзіцца па прынцыпе выбывання ўдзельнікаў пасля першага паражэння. Але ў адрозненні ад Кубка Англіі, дзе ў сезоне 2007/08 удзельнічала 731 каманда, колькасць удзельнікаў Кубка лігі абмежавана 92 клубамі — 20 прадстаўляюць Прэм’ер-лігу, а яшчэ 72 — тры дывізіёны Англійскай футбольнай лігі. Яшчэ адным адрозненнем паміж гэтымі турнірамі з’яўляецца тое, што ў паўфіналах Кубка Англіі каманды гуляюць паміж сабой два матчы, а не адзін.
Пераможца Кубка лігі атрымлівае права ўдзельнічаць у розыгрышы Лігі Еўропы, калі ён не дамогся гэтага права іншым шляхам (калі пераможца згуляе ў Лізе чэмпіёнаў, пуцёўка ў Лігу Еўропы пераходзіць камандзе з ліку тых, хто яшчэ не ўдзельнічае ні ў адным еўракубкаў, але фінішавала ў Прэм’ер-лізе вышэй за сваіх канкурэнтаў).
Гісторыя
З 1982 года Кубак лігі мянуецца па назве фундатара:
- Малочны Кубак (англ.: Milk Cup) — з 1981/1982 па 1985/1986 фундатарам з’яўлялася кампанія-вытворца малочных прадуктаў Milk Marketing Board;
- Кубак Выкліку Littlewoods (англ.: Littlewoods Challenge Cup) — з 1986/1987 па 1989/1990 фундатарам была кампанія Littlewoods сера Джона Мурса, вядомая дзякуючы свайму букмекерскаму падраздзяленню;
- Кубак Rumblebows (англ.: Rumbelows Cup) — з 1990/1991 па 1991/1992 Кубак спансавала кампанія па гандлю электратаварамі Rumblebows;
- Кубак Coca-Cola (англ.: Coca-Cola Cup) — з 1992/1993 па 1997/1998 фундатарам выступала кампанія-вытворца безалкагольных напояў Coca-Cola;
- Кубак Worthington (англ.: Worthington Cup) — з 1998/1999 па 2002/2003 назвай Кубка служыла марка піва, якая належыць кампаніі Coors Brewers;
- Кубак Carling (англ.: Carling Cup) — з 2003/2004 па 2001/2012 у якасці назвы выкарыстоўвалася марка піва, якая належыць кампаніі Coors Brewers;
- Кубак Capital One (англ.: Capital One Cup) — з 2012/2013 па 2015/2016 фундатарам з’яўляўся банк Capital One;
- Кубак Футбольнай лігі (англ.: EFL Cup) — у сезоне 2016/2017 спаборнітва праходзіла без тытульнага фундатара;
- Кубак Carabao (англ.: Carabao Cup) — з 2017/2018 фундатарам стане тайская кампанія па вытворчасці энергетычных напояў Carabao Tawandang.
Да 2016 года турнір быў вядомы як Кубак Футбольнай лігі (англ.: Football League Cup). У 2016 годзе ў сувязі з перайменаваннем Футбольнай лігі ў Англійскую футбольную лігу адпаведна змянілася і назва кубка.
Кубак лігі лічыцца не гэткім прэстыжным, як Кубак Англіі, які мае значна багацейшую гісторыю, і ў розыгрышы якога прымаюць нават тыя клубы, якія не ўваходзяць у склад Футбольнай лігі. Магчыма, менавіта таму шматлікія клубы ў цяперашні час выстаўляюць на матчы турніру сур’ёзна саслабленыя склады, уключальных ігракоў, якія не атрымліваюць гульнявой практыкі, у тым ліку моладзь.
Пераможцы
Паказаныя апошнія перамогі і паражэнні ў фіналах турніру
- «Блэкберн Роверс», «Вест Бромвіч Альбіён», «Куінз Парк Рэйнджэрс», «Лідс Юнайтэд», «Лутан Таўн», «Мідлсбра», «Оксфард Юнайтэд», «Сток Сіці», «Суіндан Таўн», «Суонсі Сіці» і «Шэфілд Уэнсдэй» выйгралі турнір па адным разе.
- «Болтан Уондэрэрс», «Вест Хэм Юнайтэд», «Ньюкасл Юнайтэд», «Сандэрленд», «Саўтгемптан» і «Эвертан» гулялі ў фінале па два разы, але ні разу трафей не выйгралі.
Спасылкі
 Футбол у Англіі |
|---|
| Лігі | |
|---|
| Кубкі | |
|---|
| Зборныя | |
|---|
