Калодзіна (Мядзельскі раён)

Вёска Калодзіна Краіна Беларусь Вобласць Мінская Раён Мядзельскі Сельсавет Занарацкі Каардынаты 54°46′56″ пн. ш. 26°47′22″ у. д.^HGЯO Колькасць двароў 23 Насельніцтва 43 чалавекі (1997) Часавы пояс UTC+3 Тэлефонны код +375 1797 Паштовыя індэксы 222382 Аўтамабільны код 5 СААТА 6240814046 Калодзіна на карце Беларусі ±

Кало́дзіна^[1] (трансліт.: Kalodzina, руск.: Колодино) — вёска ў Мядзельскім раёне Мінскай вобласці. Уваходзіць у склад Занарацкага сельсавета.

Гісторыя

Згадваецца ў 1644 годзе як вёска Калодзін ў складзе маёнтку Занарач у Ашмянскім павеце ВКЛ^[2]. У 1868 г. вёска Свянцянскага павета Віленскай губерні, 12 двароў, 113 жыхароў. У 1904 г. вёска Занарачанскай воласці Свянцянскага павета, 86 жыхароў, тут працавала царкоўна-прыхадская школа, дзе ў 1896/97 навучальным годзе вучыліся 11 хлопчыкаў. У 1908 г. у вёсцы 34 двары, 149 жыхароў. З 12.10.1940 г. у Занарачанскім сельсавеце Мядзельскага раёна Вілейскай, з 20.09.1944 г. Маладзечанскай, з 20.01.1960 г. Мінскай абласцей. У 1940 г. 44 двары, 75 жыхароў. У верасні 1943 г. гітлераўцы спалілі вёску (44 двары), забілі 13 жыхароў. Пасля Вялікай айчыннай вайны вёска адбудавана. У 1949 г. сяляне арганізавалі калгас імя Суворава. З 1973 вёска знаходзіцца ў складзе калгасу «Шлях да камунізму» (цэнтр — вёска Занарач).

Насельніцтва

• 103 жыхары (1960)
• 23 двары, 43 жыхары (1997)

Інфраструктура

Жывёлагадоўчая ферма, прыватная крама.

Вядомыя ўраджэнцы і жыхары

• Яўген Пятровіч Шабан, беларускі драматург, паэт, акцёр, рэжысёр

Зноскі

1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. НГАБ у Мінску, ф. 1775, воп. 1, спр. 1, с. 505

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх