Жолаб Кермадэк — глыбакаводны жолаб у паўднёва-заходняй частцы Ціхага акіяна. На поўначы злучаецца з жолабам Тонга. Размяшчаецца ля ўсходняга падножжа астравоў Кермадэк, амаль мерыдыянальнага напрамку.
Даўжыня каля 1200 км. Кермадэк быў адкрыты ў 1889 годзе, экспедыцыяй брытанскага судна «Пінгвін». Максімальная глыбіня 10047 м - была замераная ў 1958 годзе, падчас рэйса савецкага навукова-даследчага судна «Віцязь».
