Дроб − лік, прадстаўлены як дзель двух лікаў, пры гэтым дзеліва называецца лічнікам, а дзельнік — назоўнікам. У гэтым сэнсе дробам можа лічыцца любы лік, таму што любы лік можна запісаць як дзель, напрыклад, яго самога і 1. Таму пад дробамі, або дробнымі лікамі часта разумеюць толькі няцэлыя лікі (лікі, што не належаць да мноства цэлых лікаў).
Дроб, запісаны ў выглядзе a b {\displaystyle {\frac {a}{b}}} , дзе a — лічнік, b — назоўнік, называецца звычайным. Любы рацыянальны лік можна прадставіць у выглядзе звычайнага дробу (што вынікае непасрэдна з азначэння рацыянальнага ліку).
На практыцы (асабліва ў фізічных вымярэннях) шырока ўжываюцца дзесятковыя дробы, у якіх назоўнік ёсць ступенню 10. Дзесятковыя дробы значна зручнейшыя пры выкананні арыфметычных дзеянняў, але з іх дапамогаю можна (без хібнасці) прадставіць толькі некаторыя рацыянальныя лікі. Напрыклад, нават такі просты дроб, як 1 3 {\displaystyle {\frac {1}{3}}} , можна прадставіць толькі бясконцым перыядычным дробам 0,3333333333…
Звычайны дроб — дроб, прадстаўлены ў выглядзе a b {\displaystyle {\frac {a}{b}}} , дзе a — лічнік; b — назоўнік дробу.
Непасрэдна з вызначэння рацыянальнага ліка вынікае, што любы рацыянальны лік можна прадставіць звычайным дробам.
Звычайны дроб называюць правільным, калі яго лічнік меншы за назоўнік. Калі ж лічнік роўны або большы за назоўнік, дроб называюць няправільным. Няправільны дроб можна прадставіць цэлым або змешаным лікам. Напрыклад,
8 4 = 2 {\displaystyle {\frac {8}{4}}=2}
9 5 = 1 4 5 {\displaystyle {\frac {9}{5}}=1{\frac {4}{5}}}
З вызначэння дробу і ўласцівасцяў аперацый памнажэння і дзялення вынікае, што
a c b c = a b {\displaystyle {\frac {ac}{bc}}={\frac {a}{b}}}
Гэта значыць, што калі лічнік і назоўнік звычайнага дробу маюць агульны дзельнік, то іх можна скараціць на гэты дзельнік, гэта значыць падзяліць на яго і лічнік, і назоўнік, каб атрымаць менш грувасткі запіс дробу. Напрыклад:
16 28 = 4 ⋅ 4 7 ⋅ 4 = 4 7 {\displaystyle {\frac {16}{28}}={\frac {4\cdot 4}{7\cdot 4}}={\frac {4}{7}}}