Самая высокая кропка — гара Кекеш вышынёй 1.014 м.
Тэрыторыя Венгрыі мае пераважна раўнінны рэльеф. Вялікая яе частка размешчана на Сярэднедунайскай раўніне. Заходняя частка раўніны (Дунантуль) раздзеленая шматлікімі пагоркамі, вышынёй да 300 м, усходняя (Альфёльд) — мае плоскі нізінны рэльеф. Паўночны захад краіны займае нізіна Кішальфёльд, абмежаваная на захадзе перадгор’ямі Альпаў, вышынёй 500—800 м. На поўнач ад Балатона цягнуцца Сярэдневенгерскія горы з платопадобнымі масівамі вышынёй 400—700 м (Баконь(руск.) (бел.). У паўднёвай частцы Дунантуля ўзвышаюцца глыбовые горы Мечак вышынёй да 681 м (гара Зенгё). На поўначы Венгрыі ляжаць адгор’і Заходніх Карпат вышынёй да 1000 м. Яны раздзеленыя шырокімі далінамі рэк і ўяўляюць сабой адасобленыя вулканічныя масівы і вапняковыя плато (Матра, Бюк, Земплену-Хедзьшэг) . У гарах на мяжы са Славакіяй знаходзіцца адна з найбуйнейшых карставых пячор ЕўропыАгтэлек з падземнымі рэкамі і азёрамі.
Карысныя выкапні
З карысных выкапняў у Венгрыі здабываюць баксіты, буры вугаль, нафту, газ, жалезныя, марганцавыя, медныя, свінцова-цынкавыя руды, мінеральныя і тэрмальныя воды.
Клімат
Становішча Венгрыі ў асяроддзі гор абумовіла кантынентальны тып клімату з мяккай зімой і гарачым летам. Ападкаў у год ад 450 мм на ўсходзе да 900 мм у гарах.
Унутраныя воды
Усе рэкі Венгрыі прыналежаць басейну Дуная. Сам Дунай перасякае краіну з поўначы на поўдзень на працягу 410 км. Найбуйнейшае возера — Балатон з’яўляецца важным міжнародным турыстычным цэнтрам. Блізу яго заходняй ускрайку знаходзіцца найбуйнейшае ў Еўропе возера тэрмальнага паходжання — Хевіз, ля якога размешчаны бальнеагразевы курорт.
Глебы
Глебавы покрыва раўнін прадстаўлены чарназёмам, на Альфёльдзе сустракаюцца саланчакі, у гарах — буразёмы і рэндзіны.
Расліннасць і жывёльны свет
Раслінны покрыва Венгрыі значна зменены чалавекам. На большай частцы тэрыторыі пераважае культурная расліннасць — раллі, сады, вінаграднікі. Лясы захаваліся ў гарах і займаюць каля 20 % тэрыторыі (да вышыні 800—1000 м растуць шыракалістыя лясы, вышэй сустракаюцца ялова-піхтавыя).
