Гарган (перс.: گرگان — «Зямля Ваўка») — горад у Іране, адміністрацыйны цэнтр правінцыі Галестан. Гарган знаходзіцца на поўначы краіны, у 30 км на ўсход ад узбярэжжа Каспійскага мора і прыблізна ў 400 км на ўсход ад Тэгерана. У 150 км на ўсход ад Гаргана размешчаны Нацыянальны парк Галестан. У горадзе знаходзіцца некалькі ўніверсітэтаў, у верасні 2005 года быў адкрыты аэрапорт. Праз Гарган праходзіць чыгунка Казахстан-Туркменістан-Іран.
