Вуліца Дарашэвіча (Мінск)

Вуліца Дарашэвіча Мінск
Агульная інфармацыя
Краіна	Беларусь
Горад	Мінск
Раён	Савецкі раён
Працягласць	210 м
Найбліжэйшыя станцыі метро	Плошча Якуба Коласа
Медыяфайлы на Вікісховішчы

Вуліца Дарашэвіча (руск.: улица Дорошевича) — вуліца ў Савецкім раёне Мінска. Названа ў гонар беларускага вучонага-геадэзіста і дзеяча народнай адукацыі Міхаіла Васілевіча Дарашэвіча (1900—1968). Грамадскі транспарт па вуліцы не ходзіць, рух аднабаковы ад вуліцы Якуба Коласа да праспекта Незалежнасці.

Размяшчэнне

Арыентавана з паўночнага захаду на паўднёвы ўсход. Пачынаецца ад вуліцы Якуба Коласа і завяршаецца скрыжаваннем з праспектам Незалежнасці. Даўжыня вуліцы складае каля 210 м.

Забудова

Няцотны бок

• № 1 (праспект Незалежнасці, 59) — 4-ы навучальны корпус БНТУ.
• № 3 — 6-павярховы інтэрнат № 5 Мінскага дзяржаўнага тэхналагічнага каледжа БНТУ.
• № 5 (вуліца Якуба Коласа, 12) — 8-ы навучальны корпус аўтатрактарнага факультэта БНТУ (1973, архітэктар І. Боўт, Ж. Сахарава)^[1].

Цотны бок

Адміністрацыя Савецкага раёна

• № 6А — Пасольства Латвіі ў Беларусі.
• № 8 — будынак Адміністрацыі Савецкага раёна (1950-я, архітэктар А. Духан). У савецкія часы тут размяшчаўся райкам КПБ Савецкага раёна^[1]. —  Гісторыка-культурная каштоўнасць Беларусі, шыфр 713Г000308шыфр 713Г000308
• № 10 — двухпавярховы будынак.

Мемарыяльныя дошкі

Мемарыяльная дошка ў гонар Міхаіла Дарашэвіча

На доме № 1 устаноўлена дошка ў гонар Міхаіла Дарашэвіча.

Зноскі

1. Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)

Спасылкі

• На Вікісховішчы ёсць медыяфайлы па тэме Вуліца Дарашэвіча (Мінск)
• Здымкі вул. Дарашэвіча 2022 г.