Аа́зіс (ад ст.-грэч.: ὄασις са ст.-егіп.: wḥȝt) — размешчаны звычайна каля прыроднага вадаёма астравок расліннасці пасярод пустыні або паўпустыні.
Аазісы могуць істотна розніцца па велічыні і характары: ад невялікіх сажалак, абкружаных фінікавымі пальмамі да цэлых гарадоў з сельскагаспадарчай дзейнасцю і прамысловасцю.
У Антарктыцы аазісам называецца тэрыторыя, свабодная ад снегу і лёду.
У пераносным сэнсе — ціхае, спакойнае месца сярод навакольнага тлуму і мітусні.