Ryan Cuatrona

Ryan C. Cuatrona
Minundagan	Buhi, Camarines Sur, Camarines Sur
Alyas	Ryan Cuatrona
Kasibotan	Parakurit, parasurat
Nasyunalidad	Filipino
Lahì	Bikolano
Mga bantog na gawad	Gawad CCP para sa Alternatibong Pelikula at Bidyo

Si Ryan C. Cuatrona sarong kagubay na Bikolanong parakurit asin parasurat nin mga rawitdawit sa mga tataramon na Bikol Buhi, Bikol Sentral asin Filipino. Nagtapos siya nin Batsilyer kan Siyensya sa Digital Illustration and Animation sa Ateneo de Naga na Unibersidad sa Syudad nin Naga.

Ipinublikar niya an KAAYUPAN sarong surusadiring publikasyon na pagpalis sa tataramon na Buhinon kan mga pabula ni Esopo. Ibinungsod ini sa Better Living Through Xeroxography Naga kan Disyembre 10, 2016 sa Anthosia Cafe sa Syudad nin Naga. Siya man an ilustrador kan librong An Enot na Puon nin Kalunggay (2017) na isinurat ni Carlos Arejola.^[1] Kaiba si Celine Belino, pigbisto bilang pinakamatibay sa kategoryang Disenyong Biswal para sa pelikulang Hinulid sa 24th Filipino International Cine Festival sa Estados Unidos kan taon 2017. 

Sarô siya sa mga partisipante kan pinakainot na Saling-Panitik Bienvenido Lumbera Translation Seminar-Workshop na ginibo kan Pebrero 8-10, 2018 sa Unibersidad kan Pilipinas, Diliman, Syudad nin Quezon.^[2][3]

Saringsing Writers Workshop

Si Cuatrona sa Saringsing Bikol Writers Workshop 2019

Si Cuatrona sarô sa sampulong kaayon sa Ikapitong Saringsing Writers Workshop na ginibo kan 2017 sa Pasacao, Camarines Sur. Kan 2018, siya an nagin tagapadalagan kan hunglonan nin pagsurat na ginibo sa Buhi, Camarines Sur. Nagin panelista siya kaini kan gibohon an workshop sa Virac, Catanduanes kan 2019.

Dating myembro asin nagin kahilom o sekretaryo siya kan Parasurat Bikolnon, sarong kasararoan nin mga parasurat sa rehiyon Bikol.

Project Susog

Kan 2017, minuknâ ni Cuatrona an sarong proyekto na nagbubusog kan pagpabantog kan kultura asin arteng Buhinon sa saiyang banwaan.

Toltolan

1. Carlos A. Arejola. An Enot na Puon nin Kalunggay. Pintakasi Media Arts (2017)
2. Bicolanos attend Saling Panitik at UP Diliman Bicol Standard
3. A Big Boost for Translation Panitikan.ph