Pejay Padrigon

Pejay Amandy Padrigon
Kasibotan	Parasurat, paratukdô
Nasyunalidad	Filipino
Lahì	Bikolano
Genre	Rawitdawit, usipon pan-aki

Si Pejay Amandy Padrigon kan Syudad nin Iriga sarong paratukdô, parasurat asin an kagsurat kan rawitdawit na Pagtilad sa Pili pinalista sa inot na Kabulig Wrtiers Prize 2018 asin usipon pan-aki na Anino ni Nino ikaduwang premyo sa Kabulig Wrtiers Prize 2019.^[1][2] Sarô siya sa mga nagin partisipante o katood na parasurat kan Saringsing Writers Workshop (2017) na pinapadalagan kan Parasurat Bikolnon. Nag-atendir man siya sa pinakainot na Saling-Panitik Bienvenido Lumbera Translation Seminar-Workshop poon Pebrero 8-10, 2018 asin Gemino H. Abad Seminar-Workshop on Teaching Literature poon Setyembre 20-22, 2019 na parehong ginibo sa Unibersidad kan Filipinas, Diliman, Syudad nin Quezon.^[3][4][5] Kan 2019, nakabali an saiyang panurat sa Ani 40 na ipinublikar kan Cultural Center of the Philippines (CCP) kaiba an labi sa sanggatos pa mga parasurat sa bilog na nasyon.^[6]

Si Padrigon sa Kabulig Writers Prize, 2019

Si Padrigon sarong paratukdô sa Nabua National High School sa banwaan nin Nabua, Camarines Sur asin myembro kan Parasurat Bikolnon, sarong kasararoan nin mga parasurat sa rehiyon Bikol.

Toltolan

1. Kabulig – Bikol announces 2018 Inaugural Writers Prize winners Panitikan (pighugot 2019-8-23)
2. Borlagdan, Padrigon, Basbas win children’s story writing contest Bicol Standard (pighugot 2019-8-23)
3. Bicolanos attend Saling Panitik at UP Diliman Bicol Standard
4. A Big Boost for Translation Panitikan.ph
5. Gémino H. Abad Seminar-Workshop on Teaching Literature (pighugot 2019-8-23)
6. ANI 40: KATUTUBO, CCP LITERARY JOURNAL BOOK LAUNCHING Cultural Center of the Philippines (pighugot 2019-8-23)