Dreiländaeck

A Dreiländaeck - aa Ländadreieck gnennt - is da geografische Punkt, an dem drei gleichranginge Grenzn und domit drei gleioatige vawoitate Territorien (Staatn, Gliedstaatn, Vawoitungseiheitn etc.) aafeinandatreffn. Bekannt wern soichane Dreiländaeck meist, wenn's scho längare Zeit bstehna oda aba, wenn drei Kuituan se begengna. Meis is de Stöj duach de jeweilinga Staatsflaggn oda Monomente markiert, im Freiland zum Teil duach sognennte Dreimarkstoana bzw. Dreimärka. (Ois Dreimärka werd aa dea drei ogrenzande Vawoitungseiheiten wia Deafa oda Gmoa makierande Grenzstoa bezeichnat.) Währand drei Lända haifig aafeinandatreffa, san Vier- oda Mehr-Ländaeckn sehr söjtn.

Oigmeine Ibasicht

Vo de zuazeit (2015) 195 vo de Vaeintn Nationan oerkanntn Staatn aaf da Erdn ham 135 mindastns oan soichan Grenzpunkt. Insgsamt existiern 159 intanationoie Dreiländaeck aaf da Erdn. De Haifigkeit vo dem Voakemma vo Dreiländaeckn is obhängig vo da Ozoi vo de Nachbarn, aba aa vo da Ozoi vo de Seegrenzn. So ham Inslnationan wia Japan oda aa Staatn wia Portugal, Dänemark und San Marino, de nua oa Nachbarland ham - z. B., weil's voistände vo oam Staat umgem san - koans. Aa san zwoa Nachbarlända koa hinreichandes Kriterium, wia's z. B. bzgl. da USA in Noadamerika is. Aa de Fläch vo am Staat hot nua bedingt mit seina Ozoi an Dreiländaeck zum doa: Da Stoot mit de meistn is de Voiksrepublik China mit 16, währand Russland, da flächnmäße greaßte Staat vo da Wöjt, nua 10 hot. Eastareich hot an seine Grenzn nein Dreiländaeckn (und is domit dea Stoot mit de meisten Dreiländaeckn in Europa), Deitschland siem, de Schweiz sechs, Belgien drei, und Liechtnstoa weist zwoa Dreiländaeckn aaf.

Dreiländaeckn wöjtweit

De nochfoigandn Aaflistunga zoang Listn olla intanationoia Dreiländaeckn. De Lända san in Zeiln alphabetisch aafsteigand ogoadnat. Australien is da oanzige Stoot aaf dem gleichnomiga Kontinent und weist dohea koa Dreiländaeck aaf. De Sektorn vo dem Kontinent Antarktika konvergiern am geografischa Südpoi.

Afrika

In Afrika existiern 63 Dreiländaeckn, wovo viere aa ois Vierländereck ogseng wern.

Amerika

In Mittlamerika existiern 2 Dreiländaeckn, in Südamerika 13. Do se olle Staatn aaf dem noadamerikanischn Festland vom Pazifischn Ozean bis zum atlantischn Ozean astreckn, existiern do koane Dreiländaeckn. De Bundesstootn vo de Vaoanigtn Stootn buidn 38 Tri-State Areas

Asien

In Asien existiern 42 Dreiländaeck. Die Dreiländaeck Kaschstan-Russland-Voiksrepublik China sowia Mongolei-Russland-Voiksrepublik China ling im Altai nua 39 km voeinanda entfernt.

Europa

In Europa gibt's 48 intanationoie Dreiländaeck.

Deitschland, Eastarich, Schweiz

De 16 deitschn Bundeslända buidn zamma 15 Dreiländaeckn. De meistn Dreiländaeckn weist Niedasachsn mit 8 aaf, dann foigt Hessn mit 6. Da Hambuag de gmoasame Grenz vo Niedasachsn und Schleswig-Hoistoa aafbricht, buidn de drei Lända zwoa Dreiländaeckn. Berlin, Bremen und des Saarland buidn koane innadeitschn Dreiländaeck, do's nua an je oa andas Bundesland ogrenzn.

Eastareich

De nein eastareichischn Bundeslända buidn zamma fünf Dreiländaeck. De meistn Dreiländaeck weisn de Steiamark mit vier und Soizbuag mit drei aaf. Voaarlbeag und Wean ham koane (innaeastareichischn) Dreiländaeck.

Schweiz

De 26 Schweiza Kantone buidn zamma 45 Dreiländaeck. De meistn Dreiländaeck hot da Kanton Bern mit 14. De Kantone Basl-Stod und Schaffhausn weisn koane Dreiländaeck aaf.

Ehemolige Dreiländaeck

Infoig vo Grenzvaschiebunga kimmt's voa, dass bisherige Dreiländaeck Teil vo noamoe Stootsgrenzn wern oda se ganz innahoib vo dem Territorim vo nua oam Stoot wiedafindn (z. B. des oanstige Dreikaisa im heitinga Poln), aba denno a markanta Punkt bleim. Infoig vo de unzählign wojtweitn Grenzvaschiebunga im Lauf vo da Zeit keannan do nua manche bedeitande ehemolige Dreiländaeck aafgfiaht wern.