Ordenli Azərbaycan (film, 1938)

Ordenli Azərbaycan
Fayl:Ordenli Azərbaycan (film, 1938).jpg
Janr	sənədli film
Rejissor	Rza Təhmasib
Ssenari müəllifləri	Rəsul Rza Əbülhəsən
Operatorlar	Seyfulla Bədəlov Muxtar Dadaşov Camal İsmixanov Fyodor Novitski
Bəstəkarlar	Niyazi Qara Qarayev Cövdət Hacıyev
İstehsalçı	Azərfilm
İlk baxış tarixi	1938
Filmin digər adı	Onbirlərdən biri
Filmin növü	tammetrajlı sənədli film
Ölkə	SSRİ
İl	1938
Texniki məlumatlar	6 hissə 1750 metr 35 mm

Məzmun

Oktyabr inqilabının 20 illiyinə ithaf edilmiş yubiley filmidir.

Film tematik icmal prinsipi əsasında qurulmuşdur. Ekranda qarlı dağlar, şəlalələr, Göy-gölün mənzərəsi və onun ətrafı, üzüm və meyvə bağları, balıq ovu və s. görünür. Sonra kadrlar bizi keçmişə qaytarır. Müəlliflər inqilabdan əvvəlki xronikanı-neftçilərin ağır əməyini, kəndlilərin toxum səpmələrini və s. tarixi sənədləri nümayiş etdirirlər. Serqo Orconikidze Azərbaycanın sosializm quruculuğu işindəki uğurlarından danışır. Burada xalq təsərrüfatının bərpası, qəhrəman neftçilər, Bakı öz əksini tapmışdır.

Filmdə böyük satirik, şair Mirzə Ələkbər Sabirin şerləri də səslənir. Film Moskvada Azərbaycan incəsənəti ongünlüyünün keçirilməsi ilə əlaqədar çəkilmişdir.

Film haqqında

Film Qara Qarayevin kinoda ilk işidir.

Film Əbülhəsənin kinoda ilk işidir.

Filmin heyəti

Film üzərində işləyənlər

Baş rejissor: Rza Təhmasib

Rejissorlar: Qriqori Braginski, A.Konstantinov, Şua Şeyxov

Ssenari müəllifi: Rəsul Rza, Əbülhəsən

Operator: Seyfulla Bədəlov, Muxtar Dadaşov, Camal İsmixanov, Leon Aristakesov, Fyodor Novitski

Bəstəkar: Niyazi, Qara Qarayev, Cövdət Hacıyev

Səs operatoru: İlya Ozerski

İkinci rejissor: Qəmər Salamzadə, Niyazi Bədəlov

Rejissor köməkçisi: Lətif Səfərov

Həmçinin bax