Macarıstan azərbaycanlıları

Macarıstan azərbaycanlıları
Sayları və yaşadığı ərazilər
Dili	Azərbaycan dili ingilis dili macar dili
Dini	İslam, İudaizm{^[mənbə göstərin]

Macarıstan azərbaycanlıları (ing. Azerbaijani Hungarians) — tarixi Azərbaycandan kənarda yaşayan etnik azərbaycanlıların təşkil etdiyi Azərbaycan diasporunun Macarıstanda yaşayan hissəsinin adı. Əsasən Budapeşt, Debreçen, Peç, Györ, Dunauyvaroş, Mişkolç, Seqed şəhərlərində yaşayırlar.

Tarixi

Azərbaycanlıların Macarıstana miqrasiyası əsas etibarilə təhsil məqsədilə olmuşdur, lakin ailə birləşməsi, iş məqsədilə də miqrasiya da aparıcı faktorlardan biri olmuşdur.

Azərbaycanlıların Macarıstanda təhsili

Azərbaycanlılar Macarıstanda təhsil üçün daha çox 1990-cı illərdə maraqlanmağa başlayıblar və artıq 90-cı illərin ortalarından hər il bir neçə tələbə Mərkəzi Avropa Universitetində təhsil alıb. Daha sonralar azərbaycanlılar digər ali məktəblərdə də təhsil almağa başlayıblar və hazırda Macarıstanda 10-dan çox ali məktəbdə azərbaycanlı tələbələr təhsil almaqdadırlar. Macarıstan-Azərbaycan Gənclər Birliyi Macarıstanda təhsili Azərbaycanda təbliğ etməkdədir və bu layihə "Study in Hungary" adlanır.^[1]

Budapeştdə Azərbaycan Evi

28 dekabr 2019-cu ildə Macarıstanın paytaxtı Budapeştdə Azərbaycan Respublikası Diasporla İş üzrə Dövlət Komitəsinin dəstəyi ilə Azərbaycan Evinin açılışı olub.^[2]

Macarıstanda Azərbaycan Kitab Guşəsi

3 May 2019-cu il tarixində Macarıstanın Dunauyvaroş Universitetinin kitabxanasında Azərbaycan universitet və institutlarından ianə edilən kitabların nəticəsində "Azərbaycan Kitab Guşəsi" açılmışdır.

Təşkilatlar

Macarıstandakı azərbaycanlılar 4 müxtəlif təşkilatlarda aktiv iştirak edirlər:

• Macarıstan-Azərbaycan Gənclər Birliyi (qısaca MAGB). Dekabrın 6-sı 2012-ci ildə Macarıstanda təhsil alan və işləyən Azərbaycanlı gənclər və Macarəstanın fəal gəncləri tərəfindən yaradıldı^[3]. Təşkilatın məqsədi Azərbaycan-Macarıstan gənclərarası əlaqələri inkişaf etdirmək, onlar arsındakı dialoqu təşkil edərək ikitərəfli münasibətləri gənclər səviyyəsində ön plana çəkməkdir^[4].
• Macar-Azərbaycan Dostluq Cəmiyyəti. 1994-cü ildən Macarıstanın paytaxtı Budapeştdə fəaliyyət göstərir, sədri Svetlana Abdullayevadır, cəmiyyət üzvlərinin yalnız 10 faizi azərbaycanlılardan ibarətdir.^[5]
• “Qardaşlıq” Macar-Azəri Birgə Cəmiyyəti^[6], sədri Ramiz Əmirlidir^[7].
• Peç Azərbaycan cəmiyyəti. Daha çox yalnız bir şəhərdə, Peç şəhərində olan Azərbaycanlıların icmasına xidmət edir, təşkilatın sədri Cavid Əhmədovdur ^[8].

Aparıcı şəxslər

• Qabor Qubadov. Macarıstanın Milli Məclisində Fides partiyasını 2006-cı ildən təmsil edir.^[9] Macarıstan Futbol Liqasında fəaliyyət göstərən məşhur Ferençvaroş klubunun prezidentidir.

Həmçinin bax

• Azərbaycan-Macarıstan münasibətləri
• Macarıstanda təhsil
• Azərbaycan diasporu

İstinadlar

1. "Azərbaycan-Macarıstan Gənclər Birliyi yeni layihə reallaşdırır – FOTO". 2020-10-27 tarixində arxivləşdirilib. İstifadə tarixi: 2020-01-01.
2. "Macarıstanda Azərbaycan Evi açılıb VİDEO". 2022-03-28 tarixində arxivləşdirilib. İstifadə tarixi: 2020-01-01.
3. "AHYU - official website". 2016-10-02 tarixində orijinalından arxivləşdirilib. İstifadə tarixi: 2020-01-01.
4. "Official AHYU Facebook page". 2022-03-27 tarixində arxivləşdirilib. İstifadə tarixi: 2020-01-01.
5. Azərbaycanın Macarıstandakı səfirliyinin əməkdaşları ilə görüş keçirilib^{[ölü keçid]}
6. "Diasporamap.com - "Qardaşlıq" Macar-Azəri Birgə Cəmiyyəti". 2022-03-28 tarixində arxivləşdirilib. İstifadə tarixi: 2020-01-01.
7. "Ramiz Əmirli: "Bir az zaman lazımdır ki, Avropada diasporumuz böyük təsir imkanlarına malik olsun"". 2022-03-28 tarixində arxivləşdirilib. İstifadə tarixi: 2020-01-01.
8. "Facebook: Azerbaijani society of Pecs/ Peç Azərbaycan cəmiyyəti". 2023-07-27 tarixində arxivləşdirilib. İstifadə tarixi: 2020-01-01.
9. "Register". Országgyűlés. 2016-03-04 tarixində arxivləşdirilib. İstifadə tarixi: 2020-01-02.

Xarici keçidlər