Kənd əhalisinin bir qismi Qobustan rayonununÇelov kəndi ərazisindən 1948-1949-cu illərdə 150 təsərrüfat kəndin ərazisinə köçmüşdür. Çelov kənd sakinlərinin Kürsəngi ətrafında vaxtı ilə Təpəli, Axundlu, Yolqırağı, Alyar və sair qışlaqları olmuşdur. Çelov kəndinin tərəkəmə camaatı burada 1600 dəvə, 30 min qoyun saxlamışlar. Sonralar Çelov kəndinin camaatının bir hissəsi Kürsəngi kəndində məskunlaşmışdır. Keçən əsrin ortalarında 1 №-li sovxozun 3 №-li Şöbəsinin malikanəsi yanında salınmış qəsəbə 1965-ci ildən yaxınlığındakı Kürsəngi dağının adı ilə adlandırılmışdır. Adının etimologiyasına dair bir çox nəzəriyylər vardır: Kürün səngidiyi yer olaraq- Kürsəngi; Kür və səng (farsca: daş, qaya) Kürsəngi-Kürdaşı olaraq və s. Azərbaycan Respublikası Ali Soveti Milli Şurasının 29 aprel 1992-ci il tarixli, 112 saylı Qərarı ilə Salyan rayonunun Kürsəngi qəsəbəsi Varlı kənd sovetindən ayrılaraq, bu qəsəbə mərkəz olmaqla Kürsəngi kənd soveti yaradılmışdır.[1]
Dağ və kəndin ərazisi keçmişdə maldar ellərin qışlaq yeri olmuşdur.[2]
Kəndin ərazisindən Kürsəngi dağının görünüşüDağdan Kürsəngi kəndinin görünüşü
Coğrafiyası və iqlimi
Kürsəngi kəndi Cənub-Şərqi Şirvan düzündə yerləşir.
Əhalisi
Kənd ərazisində təxminən 4000 nəfər əhali yaşayır.
