Java applet

Java-applet — Java proqramlaşdırma dilində bayt-kod formasında yazılmış tətbiqi proqram. Java-appletlər veb-brauzerdə Java virtual maşınından (JVM) istifadə edilməklə, yaxud appletləri testləmək üçün avtonom AppletViewer alətində yerinə yetirilir. Java-applet 1995-ci ildə Java dilinin ilk versiyasında tətbiq olunub. Adətən Java dilində yazılsa da, Java-appletlər Java bayt-koduna kompilyasiya olunan başqa proqramlaşdırma dillərində də (məsələn, Jython) yazıla bilər.

• Veb-proqramlara HTML dilinin verə bilmədiyi interaktiv imkanlar əlavə etmək üçün apletlərdən istifadə olunur. Java bayt-kodu platformadan asılı olmadığından Java apletlər bir çox platformaların (Microsoft Windows, Unix, Apple macOS və GNU/Linux daxil olmaqla) brauzerləri tərəfindən plaginlərin köməyi ilə yerinə yetirilə bilər.

Ədəbiyyat

• İsmayıl Calallı (Sadıqov). İnformatika terminlərinin izahlı lüğəti. “Bakı” nəşriyyatı, 2017, 996 s.