PROFILBARU.COM

I Konstantin
I Konstantin
	yun. Κωνσταντίνος Αʹ
Yunan kralı
	18 mart 1913 – 11 iyun 1917
Əvvəlki	I Georq
Sonrakı	Aleksandr
	19 dekabr 1920 – 27 sentyabr 1922
Əvvəlki	Aleksandr
Sonrakı	II Georq
Şəxsi məlumatlar
Doğum tarixi	2 avqust 1868[…]
Doğum yeri	Afina, Afina bələdiyyəsi[d], Mərkəzi Afina[d], Attika, Yunanıstan;
Vəfat tarixi	11 yanvar 1923[…] (54 yaşında)
Vəfat yeri	Palermo, Palermo əyaləti[d], Siciliya, İtaliya krallığı;
Vəfat səbəbi	beyin qansızması[d]
Dəfn yeri	Neapol;
Təhsili	Heydelberq Universiteti;
Fəaliyyəti	suveren[d]
Atası	I Georq
Həyat yoldaşı	Prussiyalı Sofiya (Yunanıstan kraliçası) (1889–1923);
Uşaqları	II Georq (Yunanıstan kralı),; Aleksandr (Yunanıstan kralı),; Yunan və Danimarkalı Helen,; Pavel (Yunanıstan kralı);
Dini	Yunan Pravoslav Kilsəsi[d]
Rütbəsi	general-feldmarşal
	Vikianbarda əlaqəli mediafayllar

I Konstantin (yun. Κωνσταντίνος Αʹ; 2 avqust 1868^[1]^[2]^[…], Afina^[3] – 11 yanvar 1923^[1]^[2]^[…], Palermo^[3]) — 1913–1917-ci və 1920–1922-ci illərdə Yunanıstan kralı. O, 1897-ci ildə uğursuz Osmanlı–Yunanıstan müharibəsi zamanı Yunanıstan Ordusunun baş komandanı olmuş, 1912–1913-cü illərdə uğurlu Balkan müharibələri zamanı Yunanıstan qüvvələrinə rəhbərlik etmişdir. Bu zaman Yunanıstanın ərazisi və əhalisi ikiqat artmış, Saloniki Yunanıstana birləşdirilmişdir. O, atasının öldürülməsindən sonra 18 mart 1913-cü ildə Yunanıstan taxtına keçmişdir.

Həyatı

Konstantin Yunanıstan kralı I Georginin və Böyük knyajina Olqa Konstantinovnanın böyük oğlu, Rusiya imperatoru I Nikolayın nəvəsi idi. O, atası tərəfdən Rusiya imperatoru II Nikolayın və Britaniya kralı V Corcun əmisioğlu idi. Konstantin Yunanıstanda doğulmuş Qlüksburq sülaləsinin ilk kralı idi. O, Almaniyada təhsil almış və Prussiya ordusunda xidmət etmişdir.

Konstantin 1897-ci ildə yunanların uduzduğu Osmanlıya qarşı birinci müharibədə, sonra isə iki qalibiyyətli müharibədə türklərə qarşı Birinci Balkan müharibəsində (1912–1913) və bolqarlara qarşı İkinci Balkan müharibəsində (1913) Yunanıstan qoşunlarına komandanlıq etmişdir. O, 18 mart 1913-cü ildə Salonikidə küçədə anarxist tərəfindən öldürülən atasının yerinə keçmişdir.

Kral Konstantin 3 aprel 1913-cü ildən Rusiya Ordusunun Nevski 1-ci piyada alayının rəisidir. O, Almaniyaya rəğbət bəsləyirdi və Yunanıstanın Birinci Dünya müharibəsində (1914–1918) Antanta tərəfində iştirakına qarşı çıxmışdı. Baş nazir Elefterios Venizelos ilə bu fikir ayrılığı və sonuncunun vəzifədən uzaqlaşdırılması milli parçalanma ilə nəticələnmişdir.

1889-cu ildə Afinada Konstantin Almaniya kayzeri II Vilhelmin bacısı Sofiya ilə evlənmişdir. Cütlük dördüncü dərəcədən əmiuşağı idi; hər ikisi Rusiya imperatoru I Pavelin nəvələr olmuşdur. Almaniyaya görə Konstantin 1917-ci ilin yayında ikinci oğlu Aleksandrı taxtda qoyaraq ölkəni tərk etmək məcburiyyətində qalmışdır.

İstinadlar

↑ ¹ ² ³ ⁴ Constantine I // Encyclopædia Britannica (ing.).
↑ ¹ ² ³ ⁴ ⁵ Lundy D. R. Konstantinos I zu Schleswig-Holstein-Sonderburg-Glücksburg, King of the Hellenes // The Peerage (ing.).
↑ ¹ ² ³ ⁴ Deutsche Nationalbibliothek Record #136420702 // Ümumi tənzimləmə nəzarəti (GND) (alm.). 2012—2016.

Əlavə ədəbiyyat

Darling, Janina K. Panathenaic Stadium, Athens // Architecture of Greece. Greenwood Publishing Group. 2004. ISBN 0-313-32152-3.
Dutton, David. "The Deposition of King Constantine of Greece, June 1917: An Episode in Anglo-French Diplomacy." Canadian Journal of History 12.3 (1978): 325–346.
Leontaritis, George B. Greece and the First World War (1990)
Michalopoulos, Dimitris, "Constantine XII, King of the Hellenes. An outline of his personality and times", Parnassos, vol. 46, pp. 355–360.
Van der Kiste, John. Kings of the Hellenes. Sutton Publishing. 1994. ISBN 0-7509-2147-1.
Young, David C. The Modern Olympics: A Struggle for Revival. JHU Press. 1996. ISBN 0-8018-7207-3.
Polykratis, Iakovos Th. Constantine // Passas Ioannis (redaktor). Encyclopedia "The Helios" (yunan). XI. Athens. 1945–1955.