Ennio Flayano

Ennio Flayano
Doğum tarixi	5 mart 1910
Doğum yeri	Peskara, İtaliya
Vəfat tarixi	20 noyabr 1972 (62 yaşında)
Vəfat yeri	Roma, İtaliya
Vəfat səbəbi	ürək tutması
Fəaliyyəti	ssenarist, yazıçı, jurnalist, ədib, romançı, dramaturq, fantastika yazıçısı^[d], dramaturq
Vikianbarda əlaqəli mediafayllar

Ennio Flayano (it. Ennio Flaiano; 5 mart 1910^[1][2][…], Peskara^[3] – 20 noyabr 1972^[1][2][…], Roma^[3]) — İtaliya jurnalisti, yazıçı və ssenarist.

Həyatı

Ennio Flayano 5 mart 1910-cu ildə anadan olmuşdur. Əvvəl memar işləsə də, sonradan jurnalistliyə başlamış və “Cineillustrato”, “Oggi”, “Il Mondo”, “Il Corriere della Sera”, “L'europeo”, “L'espresso” kimi məşhur italyan mətbuatı ilə sıx əməkdaşlıq etmişdir. Onun ilk pyesi “La guerra spiegata ai poveri” 1946-cı ildə ərsəyə gəlmişdir.

“Öldürmək zamanıdır” romanına görə 1947-ci ildə “Streqa” mükafatına layiq görülmüşdür. Romandakı hadisələr 1935-1936-cı illər İtaliya-Efiopiya müharibəsində cərəyan edir. İtalyan zabiti təsadüfən efiopiyalı qadını öldürür və sonra buna görə cavab verməli olur.

Ennio Flayano bir çox filmlərin ssenari müəllifi olmuşdur. Tullio Pinelli ilə birlikdə rejissor Federiko Fellininin 10 filminin ssenarisini yazmışdır. Bu filmlərin sırasına “Varyete işıqları” (1950), “Ağ şeyx” (1952), “Ana uşaqları” (1953), “Yol” (1954), “Fırıldaqçılar” (1955), “Kabiriyanın gecələri” (1957), “Şirin həyat” (1960), “Bokaçço-70” (1962), “Səkkiz yarım” (1963), “Cülyetta və ruhlar” (1965) filmlərini aid etmək olar^[4]. Ennio Flayano 3 dəfə “Oskar” mükafatına (1958, 1962, 1964) namizəd olmuşdur.

Ennio Flayano 20 noyabr 1972-ci ildə Romada 62 yaşında vəfat etmişdir.

Filmoqrafiya

1. Yol (film, 1954) / La Strada
2. Kabiriyanın gecələri (film, 1957) / Le notti di Cabiria
3. Şirin həyat (film, 1960) / La Dolce Vita
4. Səkkiz yarım (film, 1963) / 8 ½

İstinadlar

1. Bibliothèque nationale de France BnF identifikatoru (fr.): açıq məlumat platforması. 2011.
2. Ennio Flaiano // Encyclopædia Britannica (ing.).
3. Deutsche Nationalbibliothek Record #119035626 // Ümumi tənzimləmə nəzarəti (GND) (alm.). 2012—2016.
4. Peter Bondanella, The Cinema of Federico Fellini, Princeton University Press, 1992, pages 337–340.