PROFILBARU.COM

Abdullah ibn əl-Mübarək
Abdullah ibn əl-Mübarək
	ərəb. عبد الله بن المبارك‎
Doğum tarixi	736
Doğum yeri	Mərv, Abbasilər xilafəti;
Vəfat tarixi	1 noyabr 797
Vəfat yeri	Hit, Əl-Anbar;
Elm sahələri	tarix, fiqh
Tanınmış yetirmələri	İbn Əbu Şeyba[d], Əbu Davud

İbn əl-Mübarək kimi tanınan Əbu Abdu-r-Rəhman Abdullah ibn əl-Mübarək əl-Mərvazi (736^[1], Mərv – 1 noyabr 797, Hit) — müsəlman ilahiyyatçı və hədis alimidir.

Bioqrafiya

Onun tam adı: Əbu Abdu-r-Rəmman Abdullah ibn əl-Mübarək ibn Vadix əl-Hanzəli at-Turki al-Mərvazi (ərəb. أبو عبد الرحمن عبد الله بن المبارك بن واضح الحنظلي، التركي ثم المرْوزي‎). Atası türk, ərəb qəbiləsinin Bənu Təmim qollarından olan Bənu Xanzalə qəbiləsindən olan tacirin azad edilmiş (məula) adamı idi. Anası xarəzmlı idi. O, 736-cı ildə anadan olub.

O, 20 yaşında İslam elmlərini öyrənməyə başlayır. Onun ilk müəllimi ər-Rəbi ibn Ənəs əl-Xorasani olmuşdur. 758-ci ildən başlayaraq elm axtarışında İslam dünyasını gəzir. Süleyman ət-Taimi, Hişama ibn Urvə, Süleyman əl-Əməş, Abdullah ibn Aun, əl-Avzai, Əbu Hənifə, İbn Cureyc, Süfyan əs-Sevri, Şubə ibn əl-Həccac, Malik ibn Ənəs, əl-Leysdən ibn Səd, İsmayıl ibn Əyyaş, Süfyan ibn Uyeynə və bir çox başqalarından hədis öyrənmişdir. Tələbələrinin çoxu ondan hədis nəql etmişlər: Əbu Davud, Yəhya ibn Main, İbn Əbu Şeybə, Əbd ər-Rəzzaq əs-Səni, Yəhya əl-Kəttan, Əbdürrəhman ibn Mehdi və başqaları.

Abdullah ibn əl-Mübarək 797-ci ildə Ramazan ayının son ongünlüyündə vəfat edir və İraqın qərbindəki Hit şəhərində dəfn edilir^[2]^[3].

İstinadlar

↑ ¹ ² عبد الله بن المبارك ابن المبارك، 736‒797 // AlKindi.
↑ "عبد الله بن المبارك" (ərəb). 2014-02-23 tarixində arxivləşdirilib. İstifadə tarixi: 2014-09-17.
↑ "ابن المبارك" (ərəb). 2014-08-15 tarixində arxivləşdirilib. İstifadə tarixi: 2014-09-17.