Xuegos Olímpicos de Melbourne 1956

Xuegos Olímpicos de Melbourne 1956
Xeneral
Tipu de competición	Xuegos Olímpicos de branu
País	Australia
Historia
Desapaición	8 d'avientu de 1956
Competición
Participantes	72 3314
Xuegos Olímpicos de Ḥélsinki 1952 Xuegos Olímpicos de Melbourne 1956 Xuegos Olímpicos de Roma 1960
Web oficial

Los Xuegos Olímpicos de Melbourne 1956, conocíos oficialmente como Xuegos de la XVI Olimpiada, celebráronse en Melbourne (Australia) ente'l 22 de payares y el 8 d'avientu de 1956, siendo la primer vegada que teníen llugar nun país del hemisferiu sur. Participaron un total de 3 155 atletes (2 791 homes y 364 muyeres) de 67 países.^[1]

Les pruebes d'equitación ficiéronse seis meses enantes n'Estocolmu (Suecia), ente'l 11 y el 17 de xunu, por mor de les lleis australianes de cuarentena. D'esti mou, la XVI Olimpiada foi la primera (y hasta la fecha única) con eventos d'unos mesmos Xuegos en continentes diferentes. Si sumamos los sos participantes, el total d'atletes asciende a 3.314 (2.938 homes y 376 muyeres) de 72 países.

Los Xuegos Olímpicos de Melbourne quedaron marcaos polos boicós surdíos meses enantes de la inauguración, a consecuencia de conflictos políticos como la Guerra de Suez y la represión de la revolución húngara. Sicasí, nel pieslle prodúxose un fechu históricu: unos 500 atletes marcharon xuntos nun solu grupu, baxo la bandera olímpica. Por esta razón, fueron apodaos los «Xuegos de l'amistá».

La Xunión Soviética foi'l país que más presees ganó, un total de 98, y superó per primer vegada nel medayeru a Estaos Xuníos, que quedó con 74. Tamién destacó'l desempeñu d'Australia, tercera clasificada, quien triplicó'l númberu de presees algamaes en 1952 y firmaron la so meyor actuación hasta Atlanta 1996.

Eleición de sede

Melbourne presentó la so candidatura a los Xuegos Olímpicos de 1956 ocho años enantes, en xineru de 1948, por mediación del Comité Olímpicu de Victoria, adscritu al Comité Olímpicu d'Australia.^[2] Los australianos teníen entós esperiencia n'albergar eventos internacionales, y anque años atrás lo plantegara, quedaba descartáu pola dificultá del viaxe pa otros estaos.^[3] Sicasí, sí tenía una gran tradición deportiva, al puntu de que foi unu de los cuatro países que tuviera en tolos Xuegos de Branu dende Atenes 1896. Nel casu de la ciudá candidata, ye'l llugar onde s'inventó'l fútbol australianu y tamién el que contaba con más clubes y deportistes federaos.

Pa ganar opciones, Australia apelló al espíritu deportivu del país, al fechu de que l'hemisferiu sur nun albergara unos Xuegos, y al desendolcu de la industria aeronáutica nos viaxes intercontinentales.

D'otra miente, la eleición de Melbourne tuvo influyida pola situación internacional. Europa alcontrábase en plena reconstrucción tres la Segunda Guerra Mundial, organizara los Xuegos de Londres 1948 y taba a piques d'albergar los de 1952 en Ḥélsinki (Finlandia). El comité d'Estaos Xuníos nun se punxo d'alcuerdu pa presentar una candidatura única. Y la economía d'Australia taba creciendo muncho gracies a la llegada d'inmigrantes y al desendolcu de la industria, polo que foi vista como una opción próspera frente a un escenariu d'incertidume. Amás, el fechu d'entregá-ylos a un estáu del hemisferiu sur ayudaría a esparder la causa olímpica en zones ensin esplorar. Les emerxentes economíes de Méxicu y Arxentina tamién se postularon.

Ente les persones qu'impulsaron la candidatura australiana sobresalió'l políticu y empresariu Frank Beaurepaire, quien consiguió dos medayes (plata y bronce) nes pruebes de natación de los Xuegos de Londres 1908.^[3] Beaurepaire foi nomáu depués presidente del Comité Olímpicu de Victoria, trabayando en collaboración coles autoridaes federales. Otru apoyu notable foi'l de Keith Murdoch (padre de Rupert Murdoch), l'editor de los principales diarios de Melbourne.

Votación

43ª Sesión del Comité Olímpicu Internacional 28 d'abril de 1949, Roma, Italia
Ciudá	Votación
Melbourne (AUS)	14	18	19	21
Buenos Aires (ARG)	9	12	13	20
Los Angeles (USA)	5	4	5	-
Detroit (USA)	2	4	4	-
Méxicu, D. F. (MEX)	9	3	-	-
Chicago (USA)	1	-	-	-
Minneapolis (USA)	1	-	-	-
Filadelfia (USA)	1	-	-	-
San Francisco (USA)	0	-	-	-

La eleición tuvo llugar na 43ª Sesión del Comité Olímpicu Internacional, celebrada'l 28 d'abril de 1949 en Roma (Italia). Votaron un total de 41 miembros.

Melbourne ganó por mayoría simple en toles fases, llegando a una última cuarta ronda frente a Buenos Aires (Arxentina). La eliminación de toles sedes norteamericanes sirvió pa que los arxentinos recortaren distancies, pero al final los australianos ganaron por un solu votu de diferencia. El resultáu final foi mui celebráu ente la población.^[3]

Esta ciudá sería la primera del hemisferiu sur n'organizar los Xuegos Olímpicos. P'adaptase al periodu estacional, el COI cambió les feches del eventu.^[4] En cuenta de comenzar en xunu, en plenu iviernu austral, pasó l'apertura al 22 de payares y el pieslle al 8 d'avientu. Esti fechu nun se repitió cuatro décades depués en Sydney 2000, que tuvo llugar ente setiembre y ochobre.

Ente les derrotaes tamién se sacaron conclusiones. El Comité Olímpicu Norteamericanu estableció que namái presentaríen una candidatura unificada pal so país.^[5]

Subsee n'Estocolmu

Los XVI Xuegos fueron los primeros que tuvieron llugar en dos continentes distintos. Les pruebes d'equitación nun se celebraron n'Australia, sinón n'Estocolmu (Suecia), a más de 15.000 quilómetros de distancia. La razón foi que n'aquella época esistía una estricta cuarentena de seis meses sobre los caballos,^[6] por temor a un brote de fiebre aftosa que se produxo años atrás. El gobiernu federal negóse a cambiala en 1953 y nun tiempu corrió'l riesgu de qu'eses pruebes nun se celebraren.^[6]

Sicasí, el COI alcontró una solución nomando una sede alternativa n'otru país. Esto significaba una violación de la Carta Olímpica, que dispón la unidá d'un llugar, pero fízose pa nun eliminar a la equitación de la llista de deportes olímpicos. Na 50º Sesión del COI, celebrada n'Atenes el 13 de mayu de 1954, designóse subsee a Estocolmu por votación frente a los sos rivales de París, Rio de Janeiro, Berlín y Los Angeles.^[7] Anque los XVI Xuegos diben a celebrase en payares (finales de primavera nel hemisferiu sur), establecióse que la equitación tendría llugar en xunu (branu nel hemisferiu norte), seis meses enantes. Por esta razón, tampoco esistió una unidá nel tiempu pa tolos deportes.

Al contrario de lo que se piensa, los Xuegos de 1956 nun fueron los primeros con eventos en dos países distintos. Nos Xuegos Olímpicos de 1920 n'Amberes (Bélxica), dalgunes pruebes de vela ficiéronse n'Ámsterdam (Países Baxos).

Deportes

Nos Xuegos Olímpicos de Melbourne celebráronse 145 competiciones en 17 deportes oficiales. Les pruebes d'equitación tuvieron llugar n'Estocolmu. Los deportes de demostración fueron el fútbol australianu (nacional) y el béisbol (internacional). Nun hubo cambeos destacaos respeuto al programa de 1952, sacantes en natación: per primer vegada l'estilu caparina contaba con una categoría propia, mesmo en masculín qu'en femenín.

Atletismu (24/9) Baloncestu (1/0) Boxéu (10/0) Ciclismu Pista (2/0) Ruta (4/0) Deportes acuáticos Natación (7/6) Saltos (2/2) Waterpolu (1/0)

Equitación (6) Esgrima (6/1) Fútbol (1/0) Ximnasia artística (8/7) Halterofilia (7/0) Ḥoquei sobre yerba (1/0) Llucha Llucha grecorromana (8/0) Llucha llibre (8/0)

Pentatlón modernu Individual (1/0) Por equipos (1/0) Piragüismu (8/1) Remu (7/0) Tiru (7/0) Vela (5)

Antorcha olímpica

Na XVI Olimpiada caltúvose la idea de que los portadores del fueu olímpicu llevaren una antorcha creada pa la ocasión. El diseñu d'esa antorcha, obra de Ralph Lavers, yera'l mesmu que nos de Londres 1948 con un solu cambiu: la inscripción «Melbourne 1956» en lletres mayúscules. Midía 47 centímetros y pesaba 960 gramos.^[8]

Hebo dos percorríos. El 2 de xunu encendióse un primer fueu olímpicu n'Olimpia (Grecia) y tresportóse n'avión hasta Copenḥague (Dinamarca), onde coyó un barcu pa dir a la cercana Malmö, yá en Suecia. Una vez ellí se hizo un breve recorrido hasta llegar a Estocolmu el 9 de xunu, a tiempo para las pruebas de hípica. Todos los relevos por territorio sueco los hicieron jinetes montados en caballos.^[7] Cuando las pruebas terminaron, el fuego se apagó.

Sedes en el anillo olímpicu

• Estadiu Olímpicu — atletismu, fútbol (final), ḥoquei sobre yerba (final), ceremonias de apertura y clausura.
• Estadiu de Natación — natación, saltos de trampolín, water-polo
• Velódromo — ciclismu en pista
• Estadiu Olympic Park — fútbol
• Eastern Sportsground — ḥoquei sobre yerba

Sedes fuera del anillo olímpicu

• Ayuntamiento de St Kilda — esgrima
• Bahía Port Phillip — vela
• Base aérea de Laverton — tiru olímpicu
• Broadmeadows — ciclismu en ruta
• Oaklands Hunt Club — pentatlón moderno
• Palacio Real de Exposiciones — baloncesto, esgrima (pentatlón), halterofilia, lucha
• West Melbourne Stadium — boxéu, gimnasia
• Williamstown — tiru olímpicu

Sedes fuera de Melbourne

• Ballarat: Lago Wendouree — piragüismo, remo

Sedes de Estocolmo

• Estadiu Olímpicu de Estocolmo — equitación
• Palacio de Ulriksdal — equitación
• Parque Lill-Jansskogen — equitación

Países participantes

[[Archivu:{{{bandera alies-1931}}}|20x20px|border|link=|Bandera d'Afganistán]] Afganistán (AFG) Equipu Alemán Unificáu (GER) Arxentina (ARG) Australia (AUS) Austria (AUT) Bélxica (BEL) Myanmar (BIR) Borneo Septentrional (NBO) Brasil (BRA) Bulgaria (BUL) Canadá (CAN) Ceilán (CEY) Checoslovaquia (TCH) Chile (CHI) Colombia (COL) [[Archivu:{{{bandera alies-1949}}}|20x20px|border|link=|Bandera de Corea del Sur]] Corea del Sur (KOR) Cuba (CUB) Dinamarca (DEN) Estaos Xuníos (USA) Etiopía (ETH) Federación Malaya (MAS) Fixi (FIJ) Filipines (PAK) Finlandia (FIN) Francia (FRA) [[Archivu:{{{bandera alies-vieja}}}|20x20px|border|link=|Bandera de Grecia]] Grecia (GRE) Plantía:Xeodatos Guayana Británica Guyana Británica (GUY) Hong Kong (HKG) Hungría (HUN) India (IND) Indonesia (INA) Irán (IRI) Irlanda (IRL) Islandia (ISL) Israel (ISR) Italia (ITA) Kenia (KEN) Les Bahames (BAH) Les Bermudes (BER) Liberia (LBR) Luxemburgu (LUX) Méxicu (MEX) Nixeria (NGR) Noruega (NOR) Nueva Zelanda (NZL) Paquistán (PAK) Perú (PER) [[Archivu:{{{bandera alies-1928}}}|20x20px|border|link=|Bandera de Polonia]] Polonia (POL) Portugal (POR) Puerto Rico (PUR) Reinu Xuníu (GBA) República de China (CHN) Rumanía (ROM) Singapur (SIN) Sudáfrica (RSA) Suecia (SWE) Tailandia (THA) Trinidá y Tobagu (TRI) Turquía (TUR) Uganda (UGA) Uruguái (URU) Venezuela (VEN) Vietnam (VIE) Xamaica (JAM) Xapón (JPN) Xunión Soviética (URS) Yugoslavia (YUG)

Países participantes solo en equitación
Camboya (CAM) Egipto (EGY) España (ESP) Países Baxos (NED) Suiza (SUI)

Múltiples medayistes

Múltiples medayistes^[9]

Atleta	País	Deporte				Total
Ágnes Keleti	Hungría	Gimnasia	4	2	0	6
Larisa Latynina	XRSS	Gimnasia	4	1	1	6
Viktor Chukarin	XRSS	Gimnasia	3	1	0	4
Valentin Muratov	XRSS	Gimnasia	3	0	1	4
Murray Rose	Australia	Natación	3	0	0	3
Betty Cuthbert	Australia	Atletismu	3	0	0	3
Bobby Morrow	Estaos Xuníos d'América	Atletismu	3	0	0	3
Takashi Ono	Xapón	Gimnasia	1	3	1	5

Bibliografía

• (1958) The Official Report of the Organizing Comittee for the Games of the XVI Olympiad Melbourne 1956. Comité Olímpicu Internacional.
• (1959) The Equestrian Games of the XVI Olympiad Stockholm 1956. Comité Olímpicu Internacional.

Ver tamién

• Xuegos Olímpicos d'Iviernu 1956
• Deporte n'Australia

Referencies

1. «Factsheet: The Games of the Olympiad» (inglés). Comité Olímpicu Internacional (ochobre de 2013). Consultáu'l 23 de payares de 2013.
2. «1956 Olympic Games may be held in Melbourne» (inglés). The Argus (24 de xineru de 1948). Consultáu'l 19 d'abril de 2015.
3. «Writer, Malcolm Andrews remembers the 1956 Melbourne Olympics» (inglés). Australian Broadcasting Corporation. Archiváu dende l'orixinal, el 29 de payares de 2015. Consultáu'l 11 d'abril de 2014.
4. «A New Love Story : Olga Connolly, Once the World's Darling, Is Giving Something Back» (inglés). Los Angeles Times (31 de xineru de 1989). Consultáu'l 16 d'abril de 2015.
5. Error de cita: La etiqueta <ref> nun ye válida; nun se conseñó testu pa les referencies nomaes :4
6. «XXOO de Melbourne (Australia)» (inglés). El País. Archiváu dende l'orixinal, el 29 de payares de 2015. Consultáu'l 19 d'abril de 2015.
7. «1956 Stockholm Equestrian Games» (inglés). Sports Reference. Consultáu'l 19 d'abril de 2015.
8. «The Torch Relay 1956» (inglés). Olympic Museum. Archiváu dende l'orixinal, el 2013-10-30. Consultáu'l 13 d'abril de 2015.
9. «1956 Melbourne Summer Games» (inglés). Sports Reference. Consultáu'l 19 de mayu de 2014.

Enllaces esternos

• Wikimedia Commons acueye conteníu multimedia sobre Xuegos Olímpicos de Melbourne 1956.
• Melbourne 1956 na páxina oficial del Comité Olímpicu Internacional (n'inglés).

Predecesor: Ḥélsinki 1952

XVI Xuegos Olímpicos de Branu Melbourne 1956

Socesor: Roma 1960

• Datos: Q8411
• Multimedia: 1956 Summer Olympics