Los Xuegos Olímpicosde Londres 1908, oficialmente conocíos como los Xuegos de la IV Olimpiada, fueron un eventu multideportivu internacional, celebráu en Londres, Reinu Xuníu, ente'l 27 d'abril y el 31 d'ochobre de 1908. Participaron 2008 atletes (1971 homes y 37 muyeres) de 22 países, compitiendo en 110 eventos de 22 deportes olímpicos y 110 especialidaes.[1]
Roma fuera la ciudá escoyida pol Comité Olímpicu Internacional, sicasí, la erupción del Monte Vesubio, el 7 d'abril de 1907, implicó que los esfuercios del gobiernu italianu fueren destinaos a la reconstrucción de la ciudá de Nápoles, totalmente afarada. Londres, sede de la Esposición Franco-Británica, foi escoyida como sustituta.
Pa los Xuegos, foi creáu l'Estadiu de White City, con una capacidá de 68.000 espectadores, que guardaron el primer desfile de les naciones participantes, orixinaria de los Xuegos Intercalaos de 1906. Esti eventu tuvo diversos inconvenientes, por cuenta de la negativa de los atletes irlandeses y finlandeses de desfilar baxo les banderes británica y rusa respeutivamente, l'ausencia de la bandera sueca y la negativa del portaestandarte d'Estaos Xuníos d'América de reverenciar al Rei Dubardu VII.
Grandes momentos
Oscar Swahn de 60 años ye'l competidor de más edá que ganara medaya d'oru (en tiru).
Amosando'l mayor espíritu deportivu, la final de llucha grecorromana pesu mediu ente los suecos Frithiof Martensson y Mauritz Andersson retardóse por que Martensson pudiera recuperase d'una firida. A la fin foi Martensson quien ganó.
Ray Ewry ganó'l saltu altu per tercer vegada convirtiéndose nel únicu atleta na historia de los Xuegos Olímpicos en ganar ocho medayes d'oru individuales daquella.
El maratón causó la sensación de los espectadores pol so dramáticu final: depués de 42 quilómetros, entró Dorando Pietri d'Italia al estadiu, atochecíu toma la direición equivocada, depués cai. Al nun llograr llegar hasta la meta ensin ayuda ye descalificáu, pero la Reina Alexandra regaló-y una copa d'oru pol so esfuerciu.
Deportes
El programa olímpicu incluyía 22 deportes (saltos de natación y waterpolu incluyendo al pie de natación, como deportes acuáticos), con 110 pruebes.
_pictogram.svg){kind=small}
_pictogram.svg){kind=small}
.svg){kind=small}
