Xuegos Olímpicos de Saint Louis 1904

Xuegos Olímpicos de Saint Louis 1904
Xeneral
Tipu de competición	Xuegos Olímpicos de branu
País	Estaos Xuníos
Historia
Desapaición	23 de payares de 1904
Competición
Participantes	12 651
Xuegos Olímpicos de París 1900 Xuegos Olímpicos de Saint Louis 1904 Xuegos Olímpicos de Londres 1908 y Xuegos Intercalaos de 1906
Web oficial

Los Xuegos Olímpicos de Saint Louis 1904, oficialmente conocíos como los Xuegos de la III Olimpiada, celebráronse en Saint Louis, Estaos Xuníos, ente'l 1 de xunetu y el 23 de payares conocíos oficialmente como Xuegos de la Tercer Olimpiada. Participaron 651 atletes (645 homes y 6 muyeres) de 12 países, compitiendo en 91 eventos de 16 deportes olímpicos, Los Xuegos Olímpicos lleváronse a cabu como parte de la Esposición Universal de Saint Louis en 1904.^[1][2] Por ello los organizadores distribuyeron les pruebes deportives mientres más de cuatro meses. A pesar de les enormes inversiones de dineru na organización, el númberu d'atletes participantes procedentes d'otros países namái foi de 42; los organizadores apenes llograron interesar a los atletes d'Europa en cruciar l'Atlánticu pa participar nel eventu.

Con estos xuegos empecipió la tradición de dar medayes d'oru, plata y bronce a los trés primeros puestos de cada prueba. Incluyéronse per primer vegada llucha estilu llibre y el boxéu como deportes olímpicos.

La ciudá de Saint Louis, Missouri, yera entós una pequeña pero influyente ciudá na que se concentraba'l comerciu del algodón y caltenía una fuerte actividá comercial. La ciudá de Chicago fuera la sede orixinal, escoyida pol COI dende 1901, pero l'amenaza de faer Xuegos paecíos na Feria Mundial nes mesmes feches y una campaña de desprestixu llograron que'l COI buscara la mediación, la decisión definitiva sobre la eleición de la sede tomóla'l Presidente norteamericanu Roosevelt.^[3]

Los Xuegos Olímpicos de 1904 fueron desafortunadamente marcaos pola segregación racial. El desfile inaugural, col títulu de Anthropological Day (El Día Antropolóxicu), amosaba a los espectadores miembros de races supuestamente inferiores que depués competiríen n'eventos paralelos ensin rexistru oficial. El barón de Coubertin calificó estos fechos como un espectáculu bochornosu.

Grandes momentos

L'estauxunidense Archie Hahn, conocíu como meteoru de Milwaukee, ganó les competiciones / competencies de los 60 m, 100 m y 200 m, afitando'l récor olímpicu pa esta última especialidá en 21,6 segundos. Esti récor perduraría mientres 28 años.

Nel llanzamientu de discu, los estauxunidenses Martin Sheridan y Ralph Rose empataron na final llanzando'l discu a 39,28 m. Los xueces concediéron-yos una oportunidá de desempate, qu'aprovechó'l primeru d'ellos.

En ximnasia, l'estauxunidense Anton Heida llogró cinco victories en potru con arcos, barra fixa, saltu llargu, combináu y sexatlón por equipos, y un segundu puestu en paraleles. George Eyser consiguió 3 victories en sexatlón por equipos, paraleles y xubida de cuerda de 25 pies, dos medayes de plata en saltu llargu y potru con arcos y una medaya de bronce en barra fixa.^[4]

Deportes

Una competición del xuegu de la lluria nos Xuegos Olímpicos de 1904.

18 disciplines, entendiendo 16 deportes, con 95 pruebes, fueron parte del programa olímpicu en 1904.

	Deportes nos Xuegos Olímpicos de Saint Louis 1904
Atletismu | Boxéu | Ciclismu | Remu | Fútbol | Ximnasia | Golf | Halterofilia | Lacrosse | Llucha | Natación | Remo | Roque | Saltos de natación | Tenis | Tira y afloxa | Tiru con arcu | Waterpolu

• Baloncestu foi apostáu como deporte de demostración.
• Béisbol foi apostáu como deporte de demostración.
• Fútbol Americanu foi apostáu como deporte de demostración.

Países participantes

Países participantes (n'azul, los debutantes)

Alemaña, Australia, Austria, Canadá, Cuba, Estaos Xuníos, Francia, Grecia, Hungría, Reinu Xuníu, Sudáfrica, Suiza.

Delles fontes menten qu'Italia, Noruega y Terranova tamién fueron participantes nestos xuegos, pero eso nun ta confirmáu.

Medayes

Ver medayeru completu en Medayeru de los Xuegos Olímpicos de Saint Louis 1904

Galería

• 
  Ceremonia d'abertura.
• 
  Felix Carvajal na maratón.
• 
  Hicks con siguidores na maratón.

Predecesor: Xuegos Olímpicos de París 1900  Francia

III Xuegos Olímpicos de Branu Xuegos Olímpicos de Saint Louis 1904  Estaos Xuníos d'América

Socesor: Xuegos Olímpicos de Londres 1908  Reinu Xuníu

Referencies

1. «Factsheet: The Games of the Olympiad» (inglés). Comité Olímpicu Internacional (octubre de 2013). Consultáu'l 23 de payares de 2013.
2. Historia de los Juegos - St. Louis 1904
3. Alperin Eduardo. .
4. Ediciones SM

• Datos: Q8098
• Multimedia: 1904 Summer Olympics