Vicente Ramón Díaz Fernández (1954, Samartín del Rei Aurelio) ye un escritor de Samartín del Rei Aurelio (Asturies).
Naz en La Oscura (L'Entregu) nel añu 1954 y cursa'l so bachilleratu nel Institutu Virxe de Cuadonga. El so primer contautu cola creación lliteraria ye la escritura d'un guión cinematográficu basáu nel cuentu "El escarabajo de oro" d'Edgar Allan Poe, proyeutu qu'a lo cabero nun llegó a filmase por falta presupuestu.
Amás d'escribir tamién dedica tiempu a la pintura, campu nel que yá tien feches distintes esposiciones individuales y coleutives, amás d'algamar reconocimientu internacional col premiu del Concursu de Diseñu del Ministeriu de Comunicaciones de Xapón.
En 1978 axunta nun volume inéditu les sos composiciones poétiques de la mocedá nes que muestra'l combate ente Eros y Thánatos, l'amor y la muerte.
El so únicu llibru editáu ye El enigma de las flores (Imprenta Familiar, L'Entregu, 1985).