El Toronto-Dominion Bank (en francés: Banque Toronto-Dominion) ye una corporación multinacional canadiense de servicios bancarios y financieros con sede en Toronto, Ontario. Conocíu comúnmente como TD y operando como TD Bank Group (en francés: Groupe Banque TD), el bancu foi creáu'l 1 de febreru de 1955 por aciu la fusión del Bank of Toronto y The Dominion Bank, que fueron fundaos en 1855 y 1869, respeutivamente. El númberu d'institución de TD (o númberu bancariu) ye 004.
TD Bank Group ye'l segundu bancu más grande de Canadá por activos totales y unu de los 10 bancos más importantes de Norteamérica. A nivel mundial, según Standard & Poor's, ocupa'l 26º llugar ente los bancos más grandes del mundu.[1]
El bancu y los sos filiales tienen más de 85000 emplegaos y más de 22 millones de veceros en tol mundu.[2] En Canadá, el bancu opera como TD Canada Trust y atiende a más de 11 millones de veceros en más de 1150 sucursales. N'Estaos Xuníos, la empresa opera como TD Bank (les iniciales utilícense oficialmente pa toles operaciones estauxunidenses). La subsidiaria estauxunidense creóse al traviés de la fusión de TD Banknorth y Commerce Bank, y atiende a más de 6,5 millones de veceros con una rede de más de 1300 sucursales nel este de los Estaos Xuníos.[3]
Referencies
Enllaces esternos
