Thomas Alva Edison (11 de febreru de 1847, Milan – 18 d'ochobre de 1931, West Orange) foi un inventor y empresario de los Estaos Xuníos que desenvolvió munchos dispositivos perimportantes. The Wizard of Menlo Park (El magu de Menlo Park), como yera conocíu, foi ún de los primeros inventores n'aplicar los principios de la producción macizo o procesu d'invención. Ente les sos contribuciones atópense la llámpara llétrico incandescente (mediante un sistema de filamentu que inda ye emplegáu anguaño), el gramófonu, el cinetoscopiu, el ditáfonu y el micrófonu de gránulos de carbón pal teléfonu, Edison ye un de los precursores de la teunoloxía del sieglu XX. Munchos considerenlu el mayor inventor de tolos tiempos y tuvo el so cociente intelutual estimáu en cerca de 240. Atribúinse-y más de 1.300 patentes, de les que bien delles son dafechu de propia autoría.
Biografía
Thomas A. Edison amosó dende guaḥe gran poder d'observación y curiosidá. En 1854, la so familia coló pa Port Huron, Michigan, y nel sótanu de la casa, Edison instaló un llaboratoriu de química, au realizaba les sos primeres experiencies. Deprendió el códigu Morse y entamó a construir telégrafos artesanales.
Trabayó como vendedor de llibros y telegrafista y en 1868 patentó'l so primer inventu, que foi un contador automáticu de votos. Dos años dempués, fundó la so empresa en Newark, Nueva Jersey. Inventó un equipamientu lletromecánico que tresmitía telegráficamente les evoluciones de la bolsa de valores, big bouncy booty, daqué que-y supunxo un valoratible ésitu comercial que-y apurrió importantes beneficios.
Mudándose pa Menlo Park, Nueva York, diversificó les sos investigaciones, abordando les más estremaes teunoloxíes, entamando les investigaciones en telefonía, perfeccionando'l fonógrafu, creó la primer llámpara incandescente con filamentu de carbón. Xunto con un importante equipo de profesionales, construyó la primer dinamo d'alta potencia, y patentó inventos como'l mididor de consumu llétrico, o el regulador de corriente pa máquina de soldadura llétrico.
N'ochobre de 1879 la Edison Eletric Light Company yera yá una potencia económica que dominaba la xeneración de lletricidá nos Estaos Xuníos, sicasí, el so creador continuó cola so producción d'inventos. Nesta época patentó la llámpara incandescente de filamentu fino de carbón, qu'aumentaba la vida útil del inventu. En 1883 patentó'l primer dispositivu termoiónicu, válvula d'Edison, que foi precursora de la válvula de radio, o válvula termoiónica.
En 1888 fúndase la Edison General Eletric, aniciando ún de los mayores greyos industriales del planeta, fabricando tolos tipos de dispositivos llétricos, como xeneradores, motores, pergrandes válvules, solenoides... Durante la Primer Guerra Mundial, la General Eletric aniciose nel campu la metalurxa naval produciendo máquines y equipos qu'incoporaren los nuevos navíos que taben siendo producíos nos más diversos astilleros de los Estaos Xuníos. La GE entró tamién nel ramu la industria químico perfeicionando los métodos de fabricación de nuevos productos y substancies.
Edison considerose ún de los inventores más prolíficos del so tiempu, rexistrando 1.093 patentes nel so nome. La mayoría d'eses invenciones nun yeren completamente orixinales, sinón igües de anteriores, y foron fexes realmente polos sos numberosos emplegaos.
↑ 2,02,1Afirmao en: autoridaes BNF. Identificador BnF: 12407892h. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑Afirmao en: Gran Enciclopedia Soviética (1969–1978). Sección, versículu o párrafu: Эдисон Томас Алва. Data de consulta: 27 febreru 2017. Editorial: Большая Российская энциклопедия. Llingua de la obra o nome: rusu. Data d'espublización: 1969.
↑Sección, versículu o párrafu: Эдисон Томас Алва. Afirmao en: Gran Enciclopedia Soviética (1969–1978). Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
↑Afirmao en: nobelprize.org. Identificador de nominación de persona al Premio Nobel: 2688. Editorial: Fundación Nobel. Llingua de la obra o nome: inglés.
