La temporada 2023-24 del Grupu II de la Tercer Federación ye la tercer edición de la competición.
Participan dieciochu clubes nun grupu. Xugarán toos escontra toos en dos ocasiones -una en campu propiu y otra en campu contrariu- mentres 34 xornaes. L'orde de los alcuentros decídese por sortéu enantes d'entamar la competición.
Una vegada acabada la competición, el primer clasificáu asciende direutamente a Segunda Federación, clasifícase a la Copa del Rei de fútbol 2024-25 (siempres que nun fuere un equipu filial) y proclámase campeón de Tercer Federación. Amás de clasifíquense a la Copa del Rei de fútbol 2024-25 los 7 meyores segundos ente los grupos de Tercer Federación.
Los clasificaos ente'l segundu y quintu llugar disputen un Play Off territorial en formatu d'eliminatories a doble partíu. En casu d'empate el vencedor de la eliminatoria ye l'equipu meyor clasificáu. L'equipu vencedor d'esti Play Off clasifícase a la Promoción d'ascensu a Segunda Federación que tien calter de final interterritorial.
Los últimos clasificaos, mínimu tres equipos, descienden direutamente a Primer Asturfútbol.